چکوال (جلیل نقوی سے): ڈپٹی کمشنر سارہ حیات کی زیرِ صدارت ڈپٹی کمشنر آفس میں سپیشل ایجوکیشن ڈیپارٹمنٹ میں اسپیشل ٹیچنگ انٹرنز (STI) کی بھرتیوں کے سلسلے میں خصوصی بچوں کے اساتذہ کے انٹرویوز منعقد کیے گئے۔اس موقع پر سی ای او ایجوکیشن محمد صفدر ملک، ڈسٹرکٹ سپیشل ایجوکیشن آفیسر راولپنڈی ڈویژن شمائلہ خان، پرنسپل سپیشل ایجوکیشن چکوال رستم علی اور دیگر کمیٹی اراکین بھی موجود تھے۔انٹرویوز کے دوران امیدواروں کی تعلیمی قابلیت، تدریسی صلاحیتوں اور پیشہ ورانہ مہارت کا تفصیلی جائزہ لیا گیا۔ڈپٹی کمشنر سارہ حیات نے کہا کہ STI بھرتیوں کا عمل مکمل شفافیت، میرٹ اور انصاف کے اصولوں کے تحت یقینی بنایا جا رہا ہے تاکہ اہل اور باصلاحیت امیدواروں کو مساوی مواقع فراہم کیے جا سکیں۔انہوں نے مزید کہا کہ خصوصی بچوں کو معیاری تعلیم، تربیت یافتہ اساتذہ اور بہتر تعلیمی ماحول فراہم کرنا ضلعی انتظامیہ کی اولین ترجیحات میں شامل ہے، تاکہ انہیں معاشرے کا بااعتماد اور خودمختار فرد بنایا جا سکے۔
