کبیروالہ (ناصرعلی شادابی سے)
ریجنل پولیس آفیسر ملتان عثمان اکرم گوندل کی زیر صدارت پروموشن بورڈ کا اجلاس منعقد ہوا جس میں 37 پولیس افسران کو متفقہ طور ترقی کی منظوری دی گئی۔ میرٹ لسٹ کے مطابق اور اچھا سروس ریکارڈ کے حامل پولیس افسران کو ترقی دی گئی ۔ تفصیل کے مطابق ملتان ریجن، وہاڑی، خانیوال اور لودھراں سے تعلق رکھنے والے 17 اسسٹنٹ سب انسپکٹر کو سب انسپکٹر کے عہدے پر ترقی دی گئی۔جبکہ 20 ہیڈ کانسٹیبلز کو اسسٹنٹ سب انسپکٹر کے عہدے پر ترقی دینے کی منظوری دی گئی ۔ اجلاس میں سٹی پولیس آفیسر صادق علی ڈوگر اور اسسٹنٹ ڈائریکٹر میاں عبدالرحیم لانگ بھی شریک تھے۔ جبکہ دیگر اضلاع کے ڈی پی اوز نے ویڈیو لنک کے ذریعے اجلاس میں شرکت کی۔آر پی او عثمان اکرم گوندل کا کہنا تھا کہ ترقی پولیس افسران کا حق ہے اور اس سے پیشہ ورانہ کارکردگی میں بہتری آتی ہے۔ انہوں نے کہا کہ انسپکٹر جنرل پولیس پنجاب کی ہدایات کے مطابق ترقیوں کا عمل بلا تعطل جاری رکھا جا رہا ہے تاکہ افسران کی حوصلہ افزائی ہو سکے۔