شیخوپورہ (رپورٹ اسامہ طفیل)
ایڈوائزر وزیر اعلی پنجاب ذیشان ملک نے شیخوپورہ کے نواحی علاقہ ڈیوری والا میں پاک فوج کے شہید جوان طیب یوسف کے والدین سے ملاقات کی انہوں نے شہید کے درجات کی بلندی کے لیے دعا کی اور شہید کے والدین کو بیٹے کی ملک وقوم کے لیے شہادت پر خراج تحسین پیش کیا اور کہا کہ وفاقی صوبائی حکومت پر لمحہ ہر گھڑی شہدا کے ورثا کے ساتھ ہے اور انکی ہر ضرورت کو مد نظر رکھا جاے گا۔ایڈوائزر وزیر اعلی پنجاب ذیشان ملک ایڈیشنل ڈپٹی کمشنر جنرل نعمان علی ڈوگر اسسٹنٹ کمشنر شیخوپورہ عمران علی ہرل اور ایڈیشنل ایس پی کے ہمراہ شہید کی قبر پر بھی گئے اور وزیر اعلی پنجاب کی جانب سے پھول رکھے اور شہید کے درجات کی بلندی کے لیے دعا کی ۔میڈیا سے گفتگو کرتے ہوے ایڈوائزر وزیر اعلی پنجاب کا کہنا تھا کہ شہدا ہمارے ماتھے کا جھومر ہیں۔ شہید کے والدین نے بیٹے کی شہادت کو اپنے لیے اور ملک وقوم کے لیے فخر قرار دیا اور کہا کہ ان کے بیٹے نے دفاع وطن کے لیے اپنی جان کی قربانی دی ان کے دیگر بیٹے بھی تعلیم مکمل کرکے پاک فوج میں جائیں گے۔