کراچی(قیصر راجہ راجپوت بیورو آفس سندھ )
حکومت سندھ نے خواتین کے لیے مزید 1000 پنک ای وی اسکوٹیز کی خریداری اور صوبے میں ماس ٹرانزٹ نظام کو وسعت دینے کے لیے انٹر سٹی پیپلز بس سروس شروع کرنے کا فیصلہ کر لیا ہے۔ اس حوالے سے خیرپور تا روہڑی اور خیرپور تا رانی پور نئے روٹس آئندہ ہفتے شروع کرنے کا بھی اعلان کیا گیا ہے۔سینئر وزیر سندھ شرجیل انعام میمن کی زیر صدارت محکمہ ٹرانسپورٹ و ماس ٹرانزٹ کے اجلاس میں لاڑکانہ، دادو، سہون، حیدرآباد اور سانگھڑ سمیت مختلف اضلاع میں انٹر سٹی بس سروس کے آغاز کا بھی فیصلہ کیا گیا۔ اجلاس میں ای وی، ڈبل ڈیکر اور ہائبرڈ بسوں کے منصوبوں پر بھی غور کیا گیا۔