جھڈو ( رپورٹ / قیصر راجہ راجپوت )
جھڈو پولیس کا منشیات کے خلاف بڑا کریک ڈائون، دیسی شراب اور گٹکے کا بھاری ذخیرہ برآمد جھڈو پولیس نے منشیات کے خلاف کارروائی کرتے ہوئے دیسی شراب اور گٹکے کا بڑا ذخیرہ برآمد کر لیا، جبکہ 3 ملزمان کو گرفتار کر لیا گیا اور 2 فرار ہونے میں کامیاب ہو گئے۔ایس ایچ او جھڈو شاہنواز خاصخیلی نے پولیس نفری کے ہمراہ شہر اور گرد و نواح میں مختلف مقامات پر چھاپے مارے۔ ہاشم کالونی میں سلطان کوسو کی دیسی شراب کی بھٹی پر کارروائی کے دوران 2010 لیٹر شراب برآمد کر کے سلطان کوسو اور عمران جٹ کو گرفتار کر لیا گیا۔اس کے علاوہ گاں پیر بخش کوسو میں نور حسن کوسو کی بھٹی پر چھاپہ مار کر 4610 لیٹر دیسی شراب برآمد کی گئی، تاہم ملزم فرار ہونے میں کامیاب ہو گیا۔ اسی طرح سبزی منڈی کے قریب وسیم کوسو کی بھٹی سے 4015 لیٹر دیسی شراب برآمد کی گئی جبکہ وسیم کوسو بھی فرار ہو گیا۔مزید کارروائی کے دوران جھڈو کے قریب میر جو باغ کے مقام پر پولیس نے عبدالجبار قائم خانی کو گرفتار کر کے اس کے قبضے سے 100 گٹکے بھی برآمد کرنے کا دعوی کیا ہے۔ایس ایچ او شاہنواز خاصخیلی کے مطابق بالا افسران کی ہدایات پر شہر میں منشیات کے خلاف کارروائیاں تیز کر دی گئی ہیں۔ گرفتار اور فرار ملزمان کے خلاف جھڈو تھانے میں چار الگ الگ مقدمات درج کر لیے گئے ہیں جبکہ مزید کارروائیاں جاری ہیں۔