سیالکوٹ (سلیم احمد اعوان شیخو)
علاقہ بجوات میں دو خواتین نے راہزنی کی کوشش ناکام بنا دی جبکہ علاقہ کے مکینوں نے راہزنوں کو پکڑ کر پولیس کے حوالے کر دیا۔بتایا گیا ہے کہ علاقہ بجوات کے گاں پل بجواں اور کاہلیاں کی دو خواتین سانتھل چک کے بازار سے خریداری کرکے اپنے اپنے گائوں اکٹھی واپس جارہی تھیں کہ اس دوران دو مسلح موٹر سائیکل سوار راہزنوں نے خواتین سے پرس چھیننے کی کوشش کی تو خواتین نے مزاحمت کرتے ہوئے شور و غوغا شروع کر دیا تو خواتین کا شور سنتے ہی مکین گھروں سے باہر نکل آئے اور انھوں ہمت و جرات کا مظاہرہ دیکھاتے ہوئے دونوں راہزنوں کو پکڑ کر ان کی خوب دھلائی کی جبکہ تھانہ پھوکلیان کے ایس ایچ اور شاہ زیب اطلاع ملتے ہی اپنی نفری کے ہمراہ موقع پر پہنچ گئے اور انھوں نے راہزنوں کو گرفتار کر کے ان کے خلاف مقدمہ درج کر کے تفتیش شروع کر دی ہے۔معلوم ہوا ہے کہ دونوں راہزن سرگودھا کے رہائشی ہیں اور آج کل ہیڈ مرالہ سیالکوٹ میں رہائش پذیر ہیں اور چنگڑ برادری سے تعلق رکھتے ہیں۔