تہران: ایران میں آج آبنائے ہرمز سے پرتگالیوں کے انخلاء کی 400 ویں سالگرہ اور ”خلیجِ فارس کا دن“ منایا جا رہا ہے۔ اس موقع پر ایرانی وزیرِ خارجہ عباس عراقچی نے سوشل میڈیا پلیٹ فارم ‘ایکس’ پر اپنے ایک پیغام میں امریکی صدر (POTUS) کے بیان پر تبصرہ کیا ہے۔
عباس عراقچی نے کہا کہ امریکی صدر نے ”خلیجِ فارس“ کی درست اصطلاح استعمال کی ہے، جو کہ خوش آئند تاہم انہوں نے پینٹاگون کی جانب سے استعمال کیے جانے والے دیگر ناموں کو ”جعلی ورژن“ قرار دے کر مسترد کر دیا۔
Today is Persian Gulf Day in Iran, marking our ancestors’ expulsion of Portuguese from Strait of Hormuz 400 years ago.
POTUS uses the correct term “Persian Gulf”, not the Pentagon’s fake version. But calling Hormuz anything else is indeed a "terrible mistake”. pic.twitter.com/KcGwj83W2B
— Seyed Abbas Araghchi (@araghchi) April 30, 2026
ایرانی وزیرِ خارجہ نے دو ٹوک الفاظ میں واضح کیا کہ آبنائے ہرمز کو کسی بھی دوسرے نام سے پکارنا ایک ”خوفناک غلطی“ ہے۔یادرہے امریکی صدر ڈونلڈ ٹرمپ نے ٹرتھ سوشل پر جاری کئے جانے والے ایک بیان اورتصویر میں آبنائے ہرمزکو ” آبنائے ٹرمپ“ قراردیا تھا۔
یہ ردعمل ایک ایسے وقت میں سامنے آیا ہے جب خطے میں کشیدگی برقرار ہے، اور ایران اپنے تاریخی و جغرافیائی حقوق کے تحفظ کے لیے پرعزم دکھائی دیتا ہے۔