عمان :ایران کی سرکاری خبر رساں ایجنسی ارنا کے مطابق عباس عراقچی روس روانگی سے قبل دوبارہ پاکستان کا دورہ کریں گے۔
ایران کی سفارتی سرگرمیاں تیز ہو گئیں، جبکہ امریکا اور ایران کے درمیان جوہری پروگرام پر بیانات نے صورتحال کو مزید اہم بنا دیا ہے۔
ایرانی وزیرِ خارجہ عباس عراقچی نے عمان کے دارالحکومت مسقط میں سیاسی قیادت سے اہم ملاقاتیں کیں، جن میں خطے کی مجموعی صورتحال اور باہمی تعلقات پر تبادلہ خیال کیا گیا۔
رپورٹس کے مطابق ایرانی وفد کے بعض ارکان تہران واپس جا چکے ہیں، جبکہ دیگر نمائندے اتوار کی شب اسلام آباد میں دوبارہ وزیرِ خارجہ عباس عراقچی سے ملاقات کریں گے۔
اس سے قبل ایرانی وفد نے اسلام آباد میں وزیراعظم شہباز شریف اور عسکری قیادت سے بھی ملاقاتیں کیں، جن میں خطے کی سیکیورٹی اور بدلتی ہوئی صورتحال پر تفصیلی گفتگو ہوئی۔
دریں اثنا وزیراعظم شہباز شریف اور ایرانی صدر مسعود پزشکیان کے درمیان ٹیلیفونک رابطہ بھی ہوا، جس میں تقریباً پچاس منٹ تک دوطرفہ امور اور علاقائی پیش رفت پر تبادلہ خیال کیا گیا۔
