جینبوا+ اسلام آباد : لا نینا ایفیکٹ ۔۔۔پاکستان کےبیشتر علاقوں میں ہیٹ ویو۔۔۔۔صبح 10 بجے کے بعد گھروں سے نکلنا مشکل ہو گیا ہے۔ مئی سے جولائی تک سخت گرمی پڑنے کی وارننگ، درجہ حرارت 45 تا 48 بھی جاسکتا ہے۔
اقوام متحدہ کے ذیلی ادارے ڈبلیو ایم او نے کہا ہے کہ اس کی تازہ ترین ماہانہ عالمی موسمی آب و ہوا کی تازہ رپورٹ سے ظاہر ہوتا ہے کہ سطح سمندر کا درجہ حرارت تیزی سے بڑھ رہا ہے، جو مئی-جولائی کے اوائل کی شروعات میں ال نینو کے حالات کی ممکنہ واپسی کی طرف اشارہ کرتا ہے۔ پیشین گوئیاں بتاتی ہیں کہ اگلے 3 ماہ کے دوران دنیا کے بیشتر حصوں میں درجہ حرارت معمول سے زیادہ رہے گا۔
اقوام متحدہ نے خبردار کیا ہے کہ پچھلی بار دنیا کا درجہ حرارت ریکارڈ سطح پر پہنچنے والی موسمی لہر ’ال نینو‘ کے سال 2026 کے وسط میں پھر سے لوٹنے کا اندیشہ ہے۔
جنیوا میں واقع اقوام متحدہ کے موسم اور ماحولیاتی ایجنسی ورلڈ میٹرولوجیکل آرگنائزیشن (ڈبلیو ایم او) کہا کہ آئندہ مائی سے جولائی کے درمیان ال نینو کے حالات حالات پیدا ہونے کے پورے آثار ہیں اور اس کی ابتدائی علامات بھی نظر آنے لگی ہیں۔ اس سے وسطی اور مشرقی استوائی بحر الکاہل میں سطح کے درجہ حرارت میں اضافہ ہوتا ہے۔ اس سے ہواؤں، دباؤ اور بارش کے پیٹرن کو تبدیل کرتا ہے. ال نینو اور اس کے مخالف لا نینا اور عام حالات کے درمیان موسمی حالات میں اتار چڑھاؤ آتا ہے۔ سابقہ ال نینو کی وجہ سے 2023 اب تک کا دوسرا سب سے گرم سال اور 2024 اب تک کا سب سے گرم سال بن گیا۔
پاکستان جیسے زرعی ملک کے لیے یہ ہیٹ ویو کسی قیامت سے کم نہیں ہوگی۔ ماہرین کا کہنا ہے کہ اگر گرمی کی یہی لہر برقرار رہی تو زمین کی نمی ختم ہو جائے گی، جس سے مویشی ہلاک اور کھڑی فصلیں جل کر راکھ ہو جائیں گی۔ یہ صورتحال نہ صرف بھوک اور افلاس کو جنم دے گی بلکہ پینے کے پانی کی شدید قلت سے انسانی المیہ جنم لے سکتا ہے۔
موجودہ حالات کے پیشِ نظر شہریوں کو ہدایت کی گئی ہے کہ وہ مئی سے جولائی کے دوران غیر ضروری سفر سے گریز کریں باہرنکلنے کی صورت میں سر، گردن اور کندھوں کو ڈھانپ کر نکلیں اور پانی کا استعمال زیادہ سے زیادہ رکھیں۔ تاہم، اصل چیلنج حکومتی سطح پر خوراک اور پانی کے ذخائر کو ممکنہ قحط سے بچانا ہے، کیونکہ ‘ال نینو’ کی یہ لہر محض گرمی نہیں بلکہ اپنے ساتھ معاشی اور غذائی تباہی کا طوفان بھی لا رہی ہے۔
’ہیٹ برسٹ‘ اور قحط کا سایا: ال نینو کی واپسی سے پاکستان میں درجہ حرارت 48 ڈگری تک جانے کا امکان،
