آئی فون اور سام سنگ کے دیوانوں کے لیے بڑی خبر! 62 مقبول ماڈلز کی نئی قیمتیں مقرر ؛ کیا آپ کا پسندیدہ برانڈ اب بجٹ میں آئے گا؟

کراچی: ڈائریکٹوریٹ جنرل آف کسٹمز ویلیوشن کراچی نے دنیا کے 5 بڑے برانڈز کے 62 پرانے اور استعمال شدہ ماڈلز کی کسٹمز ویلیو میں اضافہ کر دیا ہے۔ نئی ویلیوشن رولنگ (نمبر 2070/2026) کے مطابق اب ایپل، سام سنگ، گوگل پکسل، ون پلس اور شارپ کے فونز پر ڈیوٹی نئی مقرر کردہ قیمتوں کے حساب سے وصول کی جائے گی۔

خوابوں کے فون: نئی کسٹمز ویلیو (C&F) پر ایک نظر
نئی رولنگ کے تحت اب استعمال شدہ فونز کی قیمتیں (ڈالرز میں) کچھ اس طرح ہوں گی:

اگر آپ باہر سے فون منگوانے کا سوچ رہے ہیں، تو یہ نکتہ نوٹ کر لیں:
پرانا فون تبھی مانا جائے گا: اب پاکستان درآمد کیے جانے والے تمام استعمال شدہ فونز کا کم از کم 6 ماہ قبل ایکٹیو ہونا لازمی ہے۔
امپورٹرز کو یہ ڈکلیئر کرنا ہوگا کہ فون کب ایکٹیو ہوا، اور کسٹمز حکام اس کی باقاعدہ تصدیق کریں گے۔
حالت کی کوئی قید نہیں: کسٹمز ڈیوٹی کا تعین فون کی ظاہری حالت یا ‘گریڈنگ’ پر نہیں، بلکہ رولنگ میں دی گئی فکسڈ قیمت پر ہوگا۔
حکام کا کہنا ہے کہ اس اقدام کا مقصد کسٹمز ویلیو کو اسٹینڈرڈائز کرنا ہے تاکہ تمام برانڈز اور ماڈلز پر ٹیکس کا یکساں نظام لاگو ہو سکے۔ اس سے قبل پرانی رولنگ (نمبر 2035) کو اسٹیک ہولڈرز کے اعتراضات کے بعد ختم کر دیا گیا تھا، اور اب بین الاقوامی قیمتوں کو مدِ نظر رکھتے ہوئے یہ نئے ریٹس نکالے گئے ہیں۔
اگر آپ ون پلس یا پکسل جیسے برانڈز کے شوقین ہیں، تو ان ماڈلز کی کسٹمز ویلیو آئی فون کے مقابلے میں کافی کم رکھی گئی ہے، جو نوجوانوں کے لیے ایک اچھا موقع ثابت ہو سکتا ہے!