انسپکٹر جنرل پنجاب نے چیف ٹریفک آفیسر (سی ٹی او) لاہور کی خالی اسامی پرڈی پی او منڈی بہاؤالدین عبدالرحیم شیرازی کے تقرر کا نوٹیفکیشن جاری کردیا۔
ذرائع کے مطابق سی ٹی او لاہور کے عہدے کے لیےتین سینئر پولیس افسران پر مشتمل پینل تشکیل دیا گیا تھا جس میں سابق ڈی پی او سیالکوٹ فیصل شہزاد ڈی پی او منڈی بہاؤالدین عبدالرحیم شیرازی اور ایس ایس پی اختر فاروق شامل تھے ۔ وزیر اعلیٰ پنجاب کی سربراہی میں قائم کمیٹی ان افسران کے انٹرویوز کے بعد ڈی پی او منڈی بہاؤالدین عیدالرحیم شیرازی کے نام کی منظوری دی جن کو چیف ٹریفک افسر لاہور تعینات کیا گیا ہے ۔ عبدالرحیم شیرازی کو سابق چیف ٹریفک آفیسر لاہور اطہر وحید کی جگہ سی ٹی او تعینات کیا گیا ہے جنہوں نے مزید خدمات جاری رکھنے سے معذرت کرلی تھی۔
عبدالرحیم شیرازی کل اپنے عہدے کا چارج سنبھال کر بطور چیف ٹریفک افسر لاہور کام شروع کریں گے۔ جس کے بعد لاہور کی ٹریفک مینجمنٹ میں نئی حکمت عملی اور اقدامات متوقع ہیں۔