اسلام آباد:پاکستان میں امریکا کی ناظم الامور نیٹلی بیکر نے منگل کو اسلام آباد میں نائب وزیراعظم اور وزیرِ خارجہ اسحاق ڈار سے ملاقات کی۔
دفترِ خارجہ کی جانب سے جاری بیان میں کہا گیا ہے کہ ’ملاقات میں خطے میں ہونے والی حالیہ پیش رفت کا جائزہ لیا گیا۔‘ملاقات میں اسحاق ڈار نے کہا کہ ‘خطے میں پائیدار امن، استحکام اور چیلنجز سے نمٹنے کے لیے بات چیت اور سفارت کاری ہی موثر ذرائع ہیں۔‘
#IranUS talks: #Pakistan Deputy Prime Minister/Foreign Minister Ishaq Dar @MIshaqDar50 called for extension of Iran-U.S. ceasefire. Talking to the U.S. Chargé d’Affaires Natalie A. Baker he “stressed the need for engagement between the United States and Iran, urged both sides to… pic.twitter.com/mhvpXge9oy
— Tahir Khan (@taahir_khan) April 21, 2026
امریکی ناظم الامور سے بات چیت میں انہوں نے مزید کہا کہ ’مسئلے کے لیے امریکا اور ایران کے درمیان بات چیت ضروری ہے۔‘
پاکستان کے نائب وزیراعظم اسحاق ڈار نے فریقین پر زور دیا کہ ’وہ جنگ بندی میں توسیع پر غور کریں، اور مذاکرات اور سفارت کاری کو ایک موقع دیں۔‘
امریکی ناظم الامور نیٹلی بیکر نے خطے میں امن کے فروغ اور مذاکراتی عمل میں سہولت کاری پر پاکستان کے کردار کو سراہا۔