کراچی :سٹیٹ بینک آف پاکستان کا کہنا ہے کہ سعودی عرب کی وزارتِ خزانہ کی جانب سے پاکستان کو ایک ارب امریکی ڈالر کی رقم موصول ہوئی ہے۔
State Bank of Pakistan has received funds of US$ 1 billion from Ministry of Finance, Kingdom of Saudi Arabia in the value date of 20April2026. This is the second tranche of the $3 billion deposit recently agreed by Kingdom of Saudi Arabia. First tranche of $2 billion has already…
— SBP (@StateBank_Pak) April 21, 2026
سٹیٹ بینک آف پاکستان کے مطابق یہ رقم 20 اپریل 2026 کو موصول ہوئی ہے اور تین ارب ڈالر کے اُس حالیہ ڈپازٹ کی دوسری قسط ہے جس پر مملکتِ سعودی عرب کے ساتھ اتفاق کیا گیا تھا۔ اس سے قبل دو ارب ڈالر کی پہلی قسط 15 اپریل 2026 کو موصول ہو چکی ہے۔
یاد رہے حکومتِ پاکستان نے کہا تھا کہ متحدہ عرب امارات کو مالیاتی ڈپازٹس کی واپسی کے بعد ملک اپنے غیر ملکی زرِمبادلہ کے ذخائر کو مستحکم کرنے کے لیے سعودی عرب سے تین ارب ڈالرز کے ڈپازٹس حاصل کرے گا۔
واشنگٹن ڈی سی میں ایک نیوز کانفرنس کے دوران وفاقی وزیر خزانہ سینیٹر محمد اورنگزیب نے تصدیق کی تھی کہ سعودی عرب نے پاکستان کے لیے مزید تین ارب ڈالرز کے ڈپازٹس فراہم کرنے کا وعدہ کیا ہے جن کی ترسیل آئندہ ہفتے کے دوران متوقع ہے۔
وفاقی وزیر خزانہ کا مزید کہنا تھا کہ سعودی عرب کے پہلے سے موجود پانچ ارب ڈالر کے ڈپازٹس اب سالانہ رول اور کی بنیاد کے تحت نہیں رہیں گے بلکہ انھیں طویل مدت کے لیے تین سال تک کی توسیع دی جائے گی، یعنی 2028 تک۔