ایران سے معاہدہ دستخط ہونے جارہا ہے، ٹرمپ اعلی امریکی عہدیداروں کی اسلام آباد آمد، ایرانی وفد جلد پہنچے گا

    تہران + واشنگٹن +اسلام آباد :ایران امریکا مذاکرات سے متعلق امریکی صدر ڈونلڈ ٹرمپ نے کہا ہےکہ ایران سے آج معاہدے پر دستخط ہو جائیں گے۔ یہ دعویٰ انہوں نے فاکس نیوز سے گفتگو کے دوران کیا۔ انہوں نے کہا کہ امریکی نائب صدر کی قیادت میں وفد ایران سے سے مذاکرات کرےگا۔ ایران کے ساتھ مذاکرات کے لیے امریکی وفد چند گھنٹوں میں پاکستان پہنچ جائے گا۔


    العربیہ انگلش کی رپورٹ کے مطابق دو مزید سی -17 گلوب ماسٹر امریکی طیاروں کی نورخان ائیر بیس پر آمد۔۔ جبکہ صحافی طاہر خان نے دعویٰ کیا ہے کہ ایرانی وفد کل اسلام آباد پہنچے گا۔۔
    ذرائع کے مطابق اعلی امریکی عہدیدار جن میں ممکنہ طور پر امریکی نائب صدر جے ڈی وینس ، امریکی صدر ڈونلڈ جے ٹرمپ کے خصوصی نمائندگان جیرڈ کشنر اور اسٹیو وٹکاف ہوسکتے ہیں اسلام آباد پہنچے ہیں ۔
    جبکہ ایرانی سفارتی ذرائع کا ابھی تک اصرار ہے کہ مذاکرات کا کوئی فیصلہ نہیں ہوا ۔
    امریکی صدر ٹرمپ نے یہ بھی کہا کہ اگر کوئی اہم پیش رفت ہوتی ہے تو وہ خود بھی ایرانی قیادت سے ملاقات کرنے کے لیے تیار ہیں تاہم ان مذاکرات کی سب سے اہم شرط یہ ہے کہ ایران ایٹمی ہتھیار بنانے کا منصوبہ مکمل طور پر ختم کرے۔

    ڈونلڈ ٹرمپ  نے کہا ہے کہ وہ ایک مضبوط مذاکرات کار ہیں اور ایران کے پاس کوئی مؤثر مذاکراتی کارڈ نہیں۔ ان کا کہنا تھا کہ معاہدہ ہونے تک آبنائے ہرمز کی ناکہ بندی برقرار رہے گی اور وہ جلد بازی میں کوئی کمزور معاہدہ نہیں کریں گے۔ بلومبرگ اور نیو یارک پوسٹ کو انٹرویو دیتے ہوئے ٹرمپ نے خبردار کیا کہ جنگ بندی ختم ہونے کی صورت میں شدید بمباری ہو سکتی ہے،

     

    اپنے سوشل میڈیا پلیٹ فارم ٹروتھ سوشل پر جاری ایک پیغام میں امریکی صدر کا کہنا ہے کہ ایران کے خلاف جنگ کے لیے اسرائیل نے انھیں راغب نہیں کیا اور سات اکتوبر 2023 کے واقعے نے ان کے دیرینہ موقف کو تقویت بخشی کہ ایران کے پاس کبھی بھی جوہری ہتھیار نہیں ہو سکتے۔صدر ٹرمپ کا یہ بھی کہنا تھا کہ اگر ایران کی نئی قیادت عقلمند ہے تو ایران کا مستقبل خوشحال اور عظیم ہو سکتا ہے۔

    Related Posts