اسلام آباد :حکومت نے پاور سیکٹر کے اہلکاروں کو دیئے جانیوالے فری یونٹس کے حوالے سے بڑا فیصلہ کر لیا۔
تفصیلات کے مطابق وزیرِ اعظم شہباز شریف کی قیادت میں حکومت نے پاور سیکٹر کے اہلکاروں کو دیئے جانے والے فری یونٹس ختم کرنے کا بڑا فیصلہ کیا ہے۔
وزیر توانائی نے سماجی رابطے کی ویب سائٹ ایکس (سابقہ ٹوئٹر) پر اپنے پیغام میں کہا کہ ملکی تاریخ میں پہلی بار وزیراعظم شہباز شریف کی قیادت میں پاور سیکٹر کے اہلکاروں کے فری یونٹس ختم کیے گئے ہیں۔
الحمداللہ پاکستان کی تاریخ میں پہلی بار وزیراعظم شہبار شریف کی قیادت میں پاور سیکٹر کے اہلکاروں کے فری یونٹس ختم ، معزز عدالت نے بھی ہماری عرضی کو قبول فرمایا، یہ عوام کا سب سے پرانا اور دیرینہ مطالبہ تھا جس کو پورا کرنے کا اعزاز اللہ تعالی نے ہمیں عطا فرمایا۔
انشاءاللہ ہر وہ… pic.twitter.com/06hPtqDbzq
— Awais Leghari (@akleghari) April 17, 2026
اویس لغاری نے کہا کہ معزز عدالت نے پاور ڈویژن کی عرضی کو قبول فرمایا۔ فری یونٹس کا خاتمہ عوام کا سب سے پرانا اور دیرینہ مطالبہ تھا۔
انہوں نے اپنے بیان میں مزید کہا کہ اللہ تعالیٰ نے اس مطالبے کو پورا کرنے کا اعزاز انہیں عطا فرمایا ہے۔
وفاقی وزیر توانائی کا کہنا تھا کہ ان شا اللہ ہر وہ اقدام ضرور کیا جائے گا جو ملک اور قوم کی اجتماعی بہتری کے لیے ہو، حکومت عوامی مفاد میں اصلاحات کے عمل کو جاری رکھے گی۔
اللّٰہ تعالیٰ نے اس اہم اقدام کا اعزاز موجودہ حکومت کو عطا کیا ہے۔ ان شاء اللّٰہ ہر وہ اقدام ضرور کریں گے جو ملک اور قوم کی بہتری کے لیے ہو۔