سونا پھر ’آؤٹ آف کنٹرول‘: قیمتوں میں ہزاروں روپے کا بڑا اضافہ؛ عالمی مارکیٹ کی تیزی نے مقامی صرافہ بازار میں ہلچل مچا دی

کراچی : سونے کے خریداروں کے لیے گزشتہ روز ملنے والی خوشی مختصر ثابت ہوئی کیونکہ عالمی مارکیٹ میں قیمتیں بڑھتے ہی پاکستان میں بھی سونے کے نرخ دوبارہ بڑھ گئے ہیں۔ آل پاکستان صرافہ جیمز اینڈ جیولرز ایسوسی ایشن کے مطابق، سونے کی قیمت میں آج نمایاں ریکوری دیکھی گئی ہے۔
مقامی مارکیٹ میں ہونے والے اضافے کے بعد نئی قیمتیں کچھ یوں ہیں:

پاکستانی مارکیٹ میں اس اچانک تیزی کی بنیادی وجہ عالمی منڈی میں سونے کی طلب میں اضافہ ہے۔ بین الاقوامی مارکیٹ میں سونے کی فی اونس قیمت 34 ڈالر بڑھ کر 4676 ڈالر کی سطح پر پہنچ گئی ہے، جس کا براہِ راست اثر مقامی قیمتوں پر پڑا۔

چاندی بھی موڈ دکھانے لگی
صرف سونا ہی نہیں بلکہ چاندی کی قیمتوں کو بھی ‘پر’ لگ گئے ہیں۔ فی تولہ چاندی 160 روپے مہنگی ہونے کے بعد اب 7,794 روپے کی بلند ترین سطح پر فروخت ہو رہی ہے۔
سونے کی قیمتوں میں یہ اتار چڑھاؤ کسی ‘رولر کوسٹر’ سواری سے کم نہیں ہے۔ گزشتہ روز 7 ہزار 100 روپے کی بڑی کمی کے بعد آج کی تیزی ظاہر کرتی ہے کہ عالمی سیاسی و معاشی بے یقینی (خصوصاً مشرقِ وسطیٰ کی صورتحال) سرمایہ کاروں کو مسلسل سونا خریدنے پر مجبور کر رہی ہے۔