واشنگٹن:ایران کے آخری بادشاہ کے جلاوطن بیٹے رضا پہلوی نے آیت اللہ علی خامنہ ای کی موت سے متعلق رپورٹس کا خیرمقدم کیا ہے۔
انھوں نے سوشل میڈیا پر لکھا کہ ’علی خامنہ ای، ہمارے دور کے ایک ظالم بادشاہ تھے، جو ایران کے ہزاروں بہادر بیٹوں اور بیٹیوں کے قاتل تھے، مگر اب وہ تاریخ کے صفحات سے مٹ چکے ہیں۔‘
رضا پہلوی نے مزید کہا کہ ’خامنہ ای کی موت کے ساتھ ہی ایرانی رجیم عملاً ختم ہو گیا ہے اور جلد ہی اس کی جگہ تاریخ کا کوڑا دان ہو گا۔‘
My fellow compatriots,
Ali Khamenei, the bloodthirsty despot of our time, the murderer of tens of thousands of Iran’s bravest sons and daughters, has been erased from the face of history. With his death, the Islamic Republic has in effect reached its end and will very soon be… https://t.co/pm3ZXY9IYZ
— Reza Pahlavi (@PahlaviReza) February 28, 2026
رضا پہلوی نے ایرانی حکام کو خامنہ ای کا جانشین مقرر کرنے سے باز رہنے کی تلقین کی اور خبردار کیا کہ ایرانی فوج، سکیورٹی اہلکاروں اور پولیس فورسز کے لیے یہ عوام کے ساتھ شامل ہونے کا ’آخری موقع‘ ہے۔
انھوں نے کہا کہ ’یہ ہمارے عظیم قومی جشن کی شروعات ہے۔‘
واضح رہے کہ رضا پہلوی سنہ 1979 کے اسلامی انقلاب کے بعد اپنے والدین اور بہن بھائیوں کے ساتھ جلاوطنی اختیار کر گئے تھے اور اس وقت سے امریکا میں مقیم ہیں۔