کراچی:آزاد سینیٹر فیصل واوڈا کا کہنا ہے کہ حکومتی لوگ خوش قسمت ہیں کہ عمران خان نے ڈیل نہیں مانی۔
میرے دوست رانا ثنااللہ صاحب!
آپ نے کہا بانی پی ٹی آئی کو دو دفعہ ڈیل آفر کی لیکن وہ نہیں مانے۔
پہلے تو بتائیں کب کہاں اور کیسے؟ یا یہ وہ ڈیل ہے جس کا صرف آپ لوگوں کے تصوارات اور آپ کو ہی پتہ ہے؟
میں سمجھتا ہوں کہ آپ لوگ خوش قسمت ہیں کہ اُس نے بقول آپ کے ڈیل نہیں مانی۔ اگر…
— Faisal Vawda Senator (Indep) (@FaisalVawdaPAK) February 19, 2026
اس حوالے سے سوشل میڈیا پلیٹ فارم ایکس پر اپنے ایک بیان میں انہوں نے کہا کہ میرے دوست رانا ثنااللہ صاحب! آپ نے کہا بانی پی ٹی آئی عمران خان کو دو دفعہ ڈیل آفر کی لیکن وہ نہیں مانے، پہلے تو بتائیں کب کہاں اور کیسے؟ یا یہ وہ ڈیل ہے جس کا صرف آپ لوگوں کے تصوارات اور آپ کو ہی پتہ ہے؟ میں سمجھتا ہوں کہ آپ لوگ خوش قسمت ہیں کہ اُس نے بقول آپ کے ڈیل نہیں مانی۔فیصل واوڈا کا یہ بھی کہنا ہے کہ اگر بانی پی ٹی آئی یہ مبینہ ڈیل قبول کر لیتے تو آپ کو پتہ ہے پھر اس نے تو سیاستدانوں کے پیچھے آنا ہی آنا ہے اور آپ لوگوں کو چھوڑنا بھی نہیں ہے، یہ مجھے بھی نہیں پتہ کہ پھر سیاستدانوں نے کہاں جانا کیوں کہ کسی اور کے پیچھے نہ بانی جائے گا نہ جا سکتا ہے اور نہ ہی کسی اور میں ہمت اور جرآت ہے۔
سابق وفاقی وزیر نے مزید کہا کہ رانا صاحب، ہوا میں سیاسی تیر نہ چلائیں ورنہ اُڑتے تیر کی کہاوت تو آپ نے سنی ہوگی، سیاسی باریک وارداتیں اب پرانی ہو گئی ہیں، کچھ نیا سوچیں، میں نے آپ لوگوں سے کہا تھا کہ انسان کی عادت بدلی جا سکتی ہے لیکن فطرت نہیں، رمضان مبارک اینڈ گُڈ لک!۔