جکارتہ:انڈونیشیا کے دارالحکومت جکارتہ میں 7 منزلہ عمارت میں خوفناک آتشزدگی کے نتیجے میں 22 افراد جاں بحق اور متعدد زخمی ہوگئے۔
حکام کے مطابق عمارت کی نچلی منزل پر ڈرون کی بیٹری پھٹنے کے بعد آگ بھڑک ا ٹھی ، جو تیزی سے اوپر کی منزلوں تک پھیل گئی ۔فائر فائٹرز نے کئی گھنٹوں کی کوشش کے بعد آگ پر قابو پالیا۔ابتدائی معلومات کے مطابق زیادہ تر افراد جھلسنے کے بجائے دھوئیں سے دم گھٹنے کے باعث ہلاک ہوئے۔ہلاک ہونے والوں میں 15 خواتین بھی شامل ہیں۔واقعے کی تحقیقات شروع کر دی گئی ہیں ۔