سکردو:سکردو میں کمانڈر ایف سی این اے کی نوجوانوں اور اکیڈمیا کے طلباء کے ساتھ خصوصی ملاقات کا اہتمام کیا گیا۔ کمانڈر ایف سی این اے نے شرکاء کو خطے کے امن و امان، قومی سلامتی اور گلگت بلتستان کی اسٹریٹجک اہمیت سے آگاہ کیا۔
خطاب میں کمانڈر ایف سی این اے نے کہا کہ گلگت بلتستان قدرتی وسائل سے مالا مال ہے اور یہاں سیاحت کے بے شمار مواقع موجود ہیں جن سے نوجوان بھرپور فائدہ اٹھا سکتے ہیں۔ انہوں نے کہا کہ نوجوان ریاست کا مستقبل ہیں، اس لیے قیامِ امن اور سماجی ہم آہنگی کے فروغ میں اپنی مثبت اور بھرپور کردار ادا کریں۔
نوجوان طلباء اور اساتذہ نے اس خصوصی نشست کو سراہتے ہوئے کہا کہ مستقبل میں بھی ایسے سیشنز منعقد ہونے چاہئیں کیونکہ ان سے طلباء میں شعور بیدار ہوتا ہے۔ طلباء نے کہا کہ اس نشست سے ان کے ذہنوں میں موجود متعدد شکوک و شبہات دور ہوئے اور انہیں بنیان المرصوص اور دفاعِ پاکستان میں پاک فوج کے کردار سے متعلق اہم معلومات حاصل ہوئیں۔