لاہور: (حافظ نعیم سے )ریاست کے خلاف بندوق اٹھانے والے انتہا پسندوں ، ڈالا کلچر بدمعاش ، مافیا گینگسٹرزاور غیر قانونی رہائشیوں کے لیے پنجاب کی زمین مزید تنگ کر دی گئی
وزیراعلیٰ مریم نواز شریف کی زیرِ صدارت امن و امان پر مسلسل تیسرے غیر معمولی اجلاس میں پنجاب حکومت نے ریاستی رِٹ اور قانون کی بالادستی قائم کرنے کیلئے غیرمعمولی اور تاریخی فیصلے کئے ہیں۔
لاؤڈ اسپیکر ایکٹ کا نفاذ لازمی اور مزید سخت
حکومت پنجاب نے لاؤڈ اسپیکر ایکٹ کا نفاذ لازمی اور مزید سخت کرنے کا فیصلہ کر لیا۔
غپر قانونی تارکین وطن، انتہاپسند جماعت کے لئے پولیس ہیلپ لائن 15 میں خصوصی سیل قائم
جبکہ انتہاپسند جماعت اور غیر قانونی تارکین وطن انٹر نیشنل شہریوں کی نشاندہی کے لئے پنجاب حکومت نے پولیس ہیلپ لائن 15 میں خصوصی سیل قائم کردیا ہے جبکہ ہر ضلع میں وِسل بلور سیل قائم کرنے کا بڑا فیصلہ کیا ہے۔
پنجاب کے عوام انتہا پسند جماعت اور غیرقانونی تارکین وطن کی اطلاع کے لیے فوراً 15 پر کال کریں۔
پنجاب حکومت کا صوبے کو غیر قانونی اسلحہ سے پاک کرنے کے لئے اقدامات کی رفتار تیز اور مزید سخت کرنے کا فیصلہ کیا ہے پنجاب میں ڈالا کلچر ،بدماشی اور مافیا کلچر کو کسی صورت برداشت نہیں کیا جائے گا۔
پنجاب امن کمیٹیز کو فوری فعال کرنیکا فیصلہ ، ہرآپریشن میں آن بورڈ لیا جائیگا
پنجاب حکومت کا امن کمیٹیز کو فوری طور پر مؤثر اور مزید فعال بنانے کا فیصلہ بھی کیا ہے پنجاب امن کمیٹیز کو جاری تمام آپریشنز پر آن بورڈ رکھا جائے گا
جبکہ پنجاب حکومت کے وژن ریاست عوام کی چوکھٹ پر کے تحت ہر شہری کے دروازے تک موبائل پولیس اسٹیشن کی خدمات پہنچائی جائیں گی۔
دکانیں بند کرانے والوں ، غیر قانونی اجتماعات کرنیوالوں پر دہشت گردی قوانین نافذ ہونگے
پنجاب حکومت نے پھر سے واضح کر دیا کہ کومبنگ آپریشنز ،کارروائیاں صرف مخصوص انتہا پسند ذہنیت کے خلاف ہیں کسی فرقہ یا عقیدے کے خلاف ہز گز نہیں۔پنجاب حکومت کا انتہا پسند جتھوں کے اشتہارات، تصاویر اور پلے کارڈز پر سخت پابندی اور کارروائی کا فیصلہ کیا ہے ۔
غیرقانونی اجتماعات یا بازار بند کرانے والوں پر دہشتگردی قوانین لاگو ہوں گے۔
اس حوالے سےپنجاب کی تمام ضلعی انتظامیہ روزانہ غیرقانونی بین الاقوامی رہائشیوں کے خلاف کومبنگ آپریشن رپورٹس اپ ڈیٹ کریں گی۔
پنجاب کی انتظامیہ کو ضلعی رپورٹس میں روزانہ کی بنیاد پر اپ ڈیٹ کرنا ہوگا کہ کتنے غیرقانونی رہائشی کہاں کہاں کاروبار سے منسلک ہیں۔ اسی طرح ضلعی انتظامیہ روزانہ رپورٹ کرے گی کتنے غیرقانونی بین الاقوامی رہائشی مرکز میں ڈی پورٹیشن کے لیے بھیجے گئے۔پنجاب انتظامیہ روزانہ بتائے گی کتنے بین الاقوامی باشندے ٹیکس نیٹ میں لائے گئے۔
غیر قانونی رہائشیوں کو دکان،مکان کرائے پر دینے والوں کیخلاف کارروائی ہوگی
پنجاب حکومت نے عوام کو خبردار کیا ہے کہ عوام غیرقانونی رہائشیوں کو دکان یا مکان کرائے پر نہ دیں ورنہ کرایہ داری/پاسپورٹ ایکٹ کے تحت کارروائی ہوگی-
سوشل میڈیا پر شرانگیزی پھیلانے والوں کیخلاف پیکا ایکٹ کے تحت مقدمے درج ہوں گے
پنجاب میں سوشل میڈیا پر شر انگیزی و نفرت کے خلاف زیرو ٹالرنس پالیسی نافذ کر دی گئی۔سوشل میڈیا پر نفرت انگیز مواد پھیلانے والوں کے خلاف پیکاایکٹ کے تحت مقدمات درج کیے جائیں گے۔