لاہور: لالی وڈ کے 71 سالہ سینئر اداکار انور علی طویل علالت کے بعد انتقال کر گئے۔
اسٹیج ٹی وی اور فلم کے نامور اداکار انور علی پھیپھڑوں اور گردوں کے عارضے میں مبتلا تھے اور کئی دنوں سے زیرِ علاج تھے۔تاہم گزشتہ شب انہیں طبیعت خراب ہونے پر رائیونڈ روڈ کے ہسپتال میں داخل کرایا گیا جہاں وہ انہوں نے اپنی آخری سانسیں لیں۔
انور علی نے منفرد انداز اور بے مثال طنز و مزاح سے انہوں نے لاکھوں لوگوں کے دل جیتے۔ابابیل، ہوم سویٹ ہوم اور اندھیرا اجالا سمیت انور علی کے درجنوں ٹی وی ڈراموں نے عوام میں خاصی مقبولیت حاصل کی، تاہم کافی عرصہ پہلے انہوں نے شوبز کی دنیا کو خیرباد کہہ دیا تھا اور ان کا رجحان مکمل طور پر مذہب کی طرف ہوچکا تھا۔