سیالکوٹ (بیورو رپورٹ – سلیم احمد اعوان شیخو)
محکمہ اینٹی کرپشن اسٹیبلشمنٹ سیالکوٹ کی ٹیم نے جوڈیشل مجسٹریٹ کے ہمراہ کارروائی کرتے ہوئے رورل ہیلتھ سینٹر چونڈہ میں ایک کامیاب ٹریپ ریڈ کی۔
کارروائی کے دوران جعلی میڈیکل سرٹیفکیٹ بنانے اور اس کے عوض 20 ہزار روپے رشوت لینے کے الزام میں میڈیکل لیگل سرٹیفکیٹ جاری کرنے والے فوکل پرسن محمد ہارون اور ڈرائیور ملک کاشف منیر کو گرفتار کر لیا گیا۔ ملزمان کے قبضے سے نشان زدہ 20 ہزار روپے کے کرنسی نوٹ بھی برآمد کر لیے گئے ہیں، جن کے خلاف قانون کے مطابق مزید کارروائی کا آغاز کر دیا گیا ہے۔