بنگلورو:
ریلوے کی تاریخ میں ایک انتہائی حیرت انگیز اور خوفناک واقعہ پیش آیا ہے جہاں ٹرین کے سات ڈبے بغیر انجن کے خود بخود پٹری پر تقریباً چھ کلومیٹر تک دوڑتے چلے گئے۔
ذرائع کے مطابق یہ واقعہ اس وقت پیش آیا جب کسی تکنیکی خرابی یا بریک فیل ہونے کی وجہ سے کھڑی ٹرین کے ڈبے الگ ہو کر خود بخود چل پڑے۔ طویل فاصلہ طے کرنے کے بعد یہ بے قابو ڈبے پٹری سے اتر کر (ڈی ریل ہو کر) حادثهی کا شکار ہو گئے۔
اس حادثے کے نتیجے میں ریلوے ٹریک کو شدید نقصان پہنچا ہے، جس کے باعث انتہائی مصروف ترین بنگلورو۔چنئی ریل سروس کو فوری طور پر معطل کر دیا گیا ہے۔ ریلوے حکام نے فوری طور پر موقع پر پہنچ کر امدادی اور مرمتی کام کا آغاز کر دیا ہے تاکہ ٹریک کو جلد از جلد بحال کیا جا سکے۔ خوش قسمتی سے اس واقعے میں کسی بڑے جانی نقصان کی کوئی اطلاع نہیں ملی، تاہم ریلوے انتظامیہ نے اس پورے واقعے کی اعلیٰ سطح پر تحقیقات کا حکم دے دیا ہے۔