ممبئی:
بالی ووڈ کے معروف اداکار عمران خان نے ممبئی میں حکومت مخالف احتجاجی مظاہرے میں شرکت کے معاملے پر بمبئی ہائی کورٹ میں غیر مشروط معافی مانگ لی ہے۔ عدالت میں جمع کرائے گئے اپنے بیان میں انہوں نے یقین دہانی کرائی ہے کہ وہ مستقبل میں اس طرح کی کسی بھی سیاسی سرگرمی یا احتجاج کا حصہ نہیں بنیں گے۔
پس منظر:چند روز قبل ممبئی میں انتخابی فہرستوں میں نظرثانی (SIR) کے خلاف اگست کرانتی میدان کے قریب ایک احتجاجی مظاہرہ کیا گیا تھا، جس میں امریکی شہریت اور او سی آئی (OCI) کارڈ ہولڈر اداکار عمران خان نے بھی شرکت کی تھی۔ اس شرکت پر سخت نوٹس لیتے ہوئے فارنرز ریجنل رجسٹریشن آفس (FRRO) نے اداکار کو ‘لیو انڈیا نوٹس’ (Leave India Notice) جاری کرتے ہوئے ملک چھوڑنے کا حکم دیا تھا۔
سماعت کے دوران بمبئی ہائی کورٹ کے بینچ نے ریمارکس دیے کہ ایک غیر ملکی شہری اور او سی آئی کارڈ ہولڈر ہونے کے ناطے وہ اس قسم کے مقامی سیاسی احتجاج کا براہِ راست حصہ نہیں بن سکتے۔ عدالت کی ہدایت پر اداکار نے غیر مشروط معافی اور تحریری یقین دہانی پیش کی، جس کے بعد عدالت نے ان کے خلاف جاری کردہ ‘لیو انڈیا نوٹس’ کی معتولیت کو برقرار رکھتے ہوئے کیس کی اگلی سماعت 7 دسمبر تک ملتوی کر دی ہے اور انہیں عارضی ریلیف فراہم کیا ہے۔