پسرور : محمد اشفاق پسرور
تحصیل پسرور کے معروف اور سینئر قانون دان رانا علی احمد خان ایڈووکیٹ کو ڈسٹرکٹ کونسل سیالکوٹ کا لیگل ایڈوائزر مقرر کر دیا گیا ہے۔ اس اہم تقرری پر سیاسی و سماجی حلقوں کی طرف سے خوشی کا اظہار کیا گیا ہے اور انہیں مبارکباد دی جا رہی ہے۔تفصیلات کے مطابق، صوبائی سیکرٹری پنجاب اریگیشن و رکن پنجاب اسمبلی (MPA) رانا محمد فیاض (حلقہ PP-49) اور مسلم لیگ ن حلقہ PP-49 کے صدر رانا ریاض احمد کی خصوصی کاوشوں اور کوششوں کی بدولت سینئر قانون دان رانا علی احمد خان کو یہ اہم ذمہ داری سونپی گئی ہے۔حلقے کے عمائدین اور کارکنان نے امید ظاہر کی ہے کہ رانا علی احمد خان اپنی اس نئی ذمہ داری کو احسن طریقے سے نبھائیں گے اور ڈسٹرکٹ کونسل سیالکوٹ کے قانونی امور میں اپنی بھرپور صلاحیتیں بروئے کار لائیں گے۔