سکھر (رپورٹ: نصیر لاشاری)
سکھر ریجنل ٹیکس آفس کی جانب سے اسمگلنگ اور ٹیکس چوری کے خلاف بڑی کارروائی کرتے ہوئے کروڑوں روپے مالیت کے ضبط شدہ غیر قانونی سگریٹ اور تمباکو کو آگ لگا کر تلف کر دیا گیا۔تفصیلات کے مطابق، گزشتہ دو ماہ کے دوران ایف بی آر نے مختلف علاقوں میں 11 کامیاب کارروائیاں کیں، جن کے دوران غیر قانونی سگریٹوں کے 1644 کارٹن ضبط کیے گئے۔ ضبط کیے گئے ان سگریٹس کی مارکیٹ ویلیو 21 کروڑ روپے بتائی گئی ہے۔علاوہ ازیں، سیلز ٹیکس اور فیڈرل ایکسائز ڈیوٹی (FED) کی مد میں 36 کروڑ 70 لاکھ روپے کی بڑی ٹیکس چوری بھی پکڑی گئی، جس سے مجموعی مالیت 57 کروڑ روپے بنتی ہے۔یہ کارروائیاں چیف کمشنر سکھر ضیغم عباس کی خصوصی ہدایات پر عمل میں لائی گئیں۔ اس موقع پر سکھر کمشنر ممتاز احمد تھیبو اور دیگر متعلقہ اعلیٰ افسران بھی موجود تھے جن کی نگرانی میں ضبط شدہ سامان کو تلف کیا گیا۔