امریکی وزیر دفاع پیٹ ہیگسیتھ نے پینٹاگون کے اعلیٰ فوجی منصوبہ ساز لیفٹیننٹ جنرل بریٹ سلویا کو عہدے سے ہٹا دیا ہے۔ یہ فیصلہ ایسے وقت میں سامنے آیا ہے جب امریکی صدر ڈونلڈ ٹرمپ ایران کے خلاف نئے فوجی حملوں کے امکان پر غور کر رہے ہیں اور مشرق وسطیٰ میں مزید امریکی فوجی اور جنگی بحری جہاز بھیجے جا رہے ہیں۔
امریکی وزیرِ دفاع (SecWar) پیٹ ہیگسیٹھ (Pete Hegseth) نے سنگین انٹیلی جنس معلومات صحافیوں کو لیک کرنے کے الزام میں لفٹیننٹ جنرل برٹ سلوا (Lt. Gen. Brett Sylvia) کو فوری طور پر عہدے سے برطرف کر دیا ہے۔ جنرل سلوا کے خلاف یہ سخت ترین اقدام ان کے تین پولی گراف (جھوٹ پکڑنے والے) ٹیسٹ میں ناکام ہونے کے بعد اٹھایا گیا ہے۔
امریکی دفاعی ذرائع کے مطابق پینٹاگون کی تاریخ کے اس بڑے اسکینڈل میں برطرف کیے جانے والے اعلیٰ فوجی افسر کے خلاف اب باضابطہ تحقیقاتی دائرہ مزید وسیع کر دیا گیا ہے اور کیس باقاعدہ کارروائی کے لیے امریکی وزارتِ انصاف (DOJ) کو ریفر کر دیا گیا ہے۔
تحقیقاتی رپورٹ کے مطابق جنرل سلوا پینٹاگون کی عمارت کے اندر صحافیوں کے لیے عائد سخت سیکیورٹی اور ایسکارٹ قوانین سے بچنے کے لیے غیر قانونی راستہ اختیار کرتے تھے:
جنرل سلوا صحافیوں کو پینٹاگون کے اندر لانے کے بجائے عمارت کے باہر اور خفیہ مقامات پر ملتے تھے تاکہ سیکیورٹی کیمروں اور حاضری کے ریکارڈ سے بچا جا سکے۔
ان پر الزام ہے کہ انہوں نے ایران جنگ، روس-یوکرین جنگ اور دیگر انتہائی حساس و کلاسیفائیڈ ملٹری آپریشنز کے حوالے سے امریکی دفاعی راز پریس تک پہنچائے۔
پینٹاگون ذرائع کے مطابق وزیرِ دفاع پیٹ ہیگسیٹھ برطرفی کے اس سخت فیصلے پر مکمل طور پر قائم تھے، تاہم مسلسل تین پولی گراف ٹیسٹس میں جنرل سلوا کے ناکام ہونے اور جھوٹ ثابت ہونے نے ان کی فوری برطرفی پر مہر ثبت کر دی۔
امریکی وزارتِ انصاف اور فوج کے تفتیشی ادارے اس معاملے میں مزید کارروائی کر رہے ہیں، اور جرم ثابت ہونے پر برطرف جنرل کو شدید قانونی اور عسکری سزا کا سامنا کرنا پڑ سکتا ہے۔
بریٹ سلویا جوائنٹ چیفس آف اسٹاف میں حکمت عملی، منصوبہ بندی اور پالیسی کے شعبے کے سربراہ تھے۔ امریکی فوجی حلقوں میں اس عہدے کو ’جے فائیو‘ کہا جاتا ہے۔
پیٹ ہیگسیتھ کے دور میں اس عہدے سے ہٹائے جانے والے وہ دوسرے جنرل ہیں۔ ان سے قبل لیفٹیننٹ جنرل جوزف میک گی کو گزشتہ سال اکتوبر میں ریٹائرمنٹ لینے پر مجبور کیا گیا تھا۔
جے فائیو کے سربراہ اور ان کا عملہ عام طور پر امریکی فوجی منصوبے تیار کرنے اور انہیں مربوط بنانے کی ذمہ داری ادا کرتا ہے۔ اس شعبے کو جوائنٹ چیفس آف اسٹاف کے چیئرمین اور صدر کے ساتھ مل کر فوجی حکمت عملی ترتیب دینے میں اہم کردار ادا کرنا ہوتا ہے۔
بریٹ سلویا اس عہدے پر تعیناتی سے قبل امریکی فوج کے 101ویں ایئربورن ڈویژن کے کمانڈر رہ چکے ہیں۔ وہ مئی 2025 تک فورٹ کیمبل، ریاست کینٹکی میں تعینات تھے۔ اس کے علاوہ وہ جے فائیو کے نائب ڈائریکٹر کے طور پر بھی خدمات انجام دے چکے ہیں۔
ہیگسیتھ کے دور میں اب تک تقریباً دو درجن جنرلز، ایڈمرلز اور دیگر اعلیٰ فوجی عہدیداروں کو عہدوں سے ہٹایا جا چکا ہے، انہیں ریٹائرمنٹ لینا پڑی ہے یا وہ دیگر وجوہات کی بنا پر اپنے عہدے چھوڑ چکے ہیں۔
پینٹاگون میں بڑا زلزلہ: کلاسیفائیڈ معلومات لیک کرنے پر لفٹیننٹ جنرل برٹ سلوا برطرف، کیس وزارتِ انصاف کے سپرد!
