کنڈیارو / نوشہرو فیروز(رپورٹر: مجاہد علی مغل)
قومی شاہراہ بائی پاس پر ٹریفک کا ایک اور دلخراش حادثہ پیش آیا ہے جہاں تیز رفتار ٹرالر نے موٹر سائیکل سوار نوجوان کو کچل ڈالا۔ حادثے کے نتیجے میں موقع پر ہی جاں بحق ہونے والے شخص کی شناخت گوٹھ بدک کے رہائشی عرفان سیٹھار کے نام سے ہوئی ہے۔واقعے کے بعد متوفی کے گھر میں کہرام مچ گیا اور اہل خانہ کا رو رو کر برا حال ہے۔ علاقے میں اس افسوسناک حادثے پر شدید غم و غصہ پایا جا رہا ہے، جبکہ عوامی حلقوں کی جانب سے حادثات کی روک تھام کے لیے کوئی موثر اقدامات نہ کرنے پر ضلعی انتظامیہ اور ہائی وے اتھارٹی کی مکمل خاموشی پر شدید تنقید کی جا رہی ہے۔
