غربی کنارہ، فوجی چیک پوسٹ پرحملہ، اسرائیلی فوج کی فائرنگ سے دو جاں بحق،

غزہ :اسرائیلی فوج کے مطابق مقبوضہ مغربی کنارے میں الخلیل کے قریب جمعہ کی صبح فوجی چیک پوسٹ پر حملہ کرنے والے دو افراد کو فوجیوں نے گولی مار کر قتل کر دیا۔ اس واقعے میں چھ افراد زخمی ہوئے جن میں سے دو کی حالت تشویشناک ہے۔
فوج نے علاقے میں رکاوٹیں لگا کر فلسطینی قصبات کے راستے بند کر دیے۔

امدادی کارکنان نے بتایا کہ پانچ افراد زخمی ہوئے جن میں سے بعض کی حالت تشویشناک تھی اور انہیں اسرائیل کے ہسپتالوں میں منتقل کر دیا گیا۔ امدادی ٹیموں کے مطابق جب وہ یہودا جنکشن کے قریب جائے وقوع پر پہنچے تو فائرنگ کا سلسلہ جاری تھا۔
امدادی کارکنان نے بتایا کہ 20 سے 30 سال کی عمر کے دو افراد کو ٹانگوں پر گولیاں لگیں اور ان میں سے ایک شخص بے ہوش اور شدید زخمی تھا۔
یہ مہلک فائرنگ ایک ایسے وقت میں ہوئی ہے جب آئندہ منگل کو انتخاب میں اسرائیلی ووٹرز یہ فیصلہ کریں گے کہ آیا بنیامن نتن یاہو کو بطورِ وزیر اعظم ایک اور موقع دیا جائے یا اسرائیلی سیاست میں ایک نئے دور کا آغاز کیا جائے۔ یہ انتخابات غزہ جنگ شروع ہونے کے تین سال بعد ہو رہے ہیں۔