سیالکوٹ (سلیم احمد اعوان شیخو)
ڈسٹرکٹ پولیس آفیسر سیالکوٹ کیپٹن (ر) دوست محمد نے ضلع بھر میں انتظامی امور کو مزید مؤثر بنانے اور کارکردگی بہتر کرنے کے لیے پولیس افسران کے بڑے پیمانے پر تبادلے اور تقرریاں کر دی ہیں۔ جاری کردہ احکامات کے مطابق اہم ترین تھانوں اور عہدوں پر نئے افسران تعینات کیے گئے ہیں، جس سے پولیس حلقوں میں چہ مہگوئیاں شروع ہو گئی ہیں۔نوٹیفکیشن کے مطابق درج ذیل افسران کی نئی تعیناتیاں عمل میں لائی گئی ہیں:انسپکٹر ندیم اشرف کو ایس ایچ او تھانہ رنگ پورہ سے تبدیل کرکے انتہائی اہم منصب انچارج سی آئی اے سٹاف سیالکوٹ تعینات کر دیا گیا ہے۔انسپکٹر عامر ریاض کو ایس ایچ او تھانہ پھوکلیان سے تبدیل کرکے ایس ایچ او تھانہ رنگ پورہ کی ذمہ داری سونپ دی گئی ہے۔سب انسپکٹر محمد امین کو تھانہ سٹی ڈسکہ سے تبدیل کرکے ایس ایچ او تھانہ پھوکلیان تعینات کیا گیا ہے۔انسپکٹر خرم شہزاد ساہی کو انچارج سی آئی اے سٹاف سے تبدیل کرکے ایس ایچ او تھانہ کوٹلی سید امیر تعینات کر دیا گیا ہے۔سب انسپکٹر شاہ زیب اسلم کو تھانہ کوٹلی سید امیر سے تبدیل کرکے ایس ایچ او تھانہ پھلورہ کی کمان سونپ دی گئی ہے۔جبکہ سب انسپکٹر اعتزاز بشیر کو ایس ایچ او تھانہ پھلورہ کے عہدے سے ہٹا کر پولیس لائن تبدیل کر دیا گیا ہے۔محکمہ پولیس کے ذرائع کے مطابق ان تبدیلیوں کا مقصد ضلع میں امن و امان کی صورتحال کو بہتر بنانا اور جرائم کی بیخ کنی کے لیے نئی ٹیم متحرک کرنا ہے۔