سیالکوٹ (سلیم احمد اعوان شیخو)
محکمہ تعلیم کا ہیڈ کلرک محمد ارشد اور جونیئر کلرک احتشام بٹ 20 ہزار روپے رشوت لیتے ہوئے گرفتار ہو گئے۔
تفصیلات کے مطابق محکمہ اینٹی کرپشن اسٹیبلشمنٹ سیالکوٹ کے سرکل آفیسر رانا مبشر علی نے جوڈیشل مجسٹریٹ کے ہمراہ ایک درخواست پر فوری کارروائی کرتے ہوئے ڈسٹرکٹ ایجوکیشن ایلیمنٹری سکولز سیالکوٹ کے دفتر میں چھاپہ مارا۔ کارروائی کے دوران محکمہ تعلیم کے ہیڈ کلرک محمد ارشد اور جونیئر کلرک احتشام بٹ کو 20 ہزار روپے رشوت لیتے ہوئے رنگے ہاتھوں گرفتار کر لیا گیا۔
اینٹی کرپشن اسٹیبلشمنٹ پولیس نے دونوں اہلکاروں کے خلاف مقدمہ درج کر کے تفتیش کا آغاز کر دیا ہے۔