عمرکوٹ (رپورٹ: ڈاکٹر ایم لال واگھانی)
عمرکوٹ پولیس کی جانب سے منشیات اور مضرِ صحت گٹکا و مین پوری کے خلاف بلاامتیاز کارروائیاں جاری ہیں۔ ایس ایس پی عمرکوٹ سہائی عزیز تالپور (QPM, PSP) کی خصوصی ہدایات پر سی آئی اے پولیس اور چھور پولیس نے مختلف علاقوں میں کارروائیاں کرتے ہوئے 5 ملزمان کو گرفتار کر لیا۔
سی آئی اے پولیس نے عمرکوٹ سٹی اور سامارو تھانے کی حدود میں تین مختلف کارروائیوں کے دوران 3 ملزمان کو گرفتار کرکے 11 پِنٹ وہسکی اور 362 ساشے گٹکا و مین پوری برآمد کیے۔
-
ویہرو کے رہائشی رام بخش اوڈ کو گرفتار کر کے اس کے قبضے سے 11 پِنٹ وہسکی برآمد کی گئی۔
-
ویہرو شریف کے رہائشی اکشی کمار اوڈ کو گرفتار کیا گیا، جس کے قبضے سے 140 ساشے ‘سلام’ اور 22 ساشے ‘سفینہ’ (مجموعی طور پر 162 ساشے) برآمد ہوئے۔
-
سامارو کی حدود (دولت خان دھونکائی) میں کی گئی جہاں ظفر علی کو گرفتار کر کے 200 ساشے سفینہ اور ایک موٹر سائیکل برآمد کی گئی۔
دوسری جانب چھور پولیس نے کامیاب کارروائی کرتے ہوئے ھیرو ولد بجلو کولھی اور محمد صدیق نھڑی کو گرفتار کر لیا۔ ملزمان کے قبضے سے 21 لیٹر دیسی شراب، نقدی اور ایک موٹر سائیکل برآمد ہوئی۔
پولیس کے مطابق تمام ملزمان کے خلاف متعلقہ دفعات کے تحت مقدمات درج کر کے مزید قانونی کارروائی جاری ہے۔