پاکستان کے خلاف افغانستان میں القاعدہ، ٹی ٹی پی، داعش اور بی ایل اے سمیت دیگر دہشت گردعناصرمتحرک ہیں
سینئر صحافی حسین بنگش نے ایک بیان میں کہاہے کہ
پاکستان کے خلاف افغانستان میں القاعدہ، ٹی ٹی پی، داعش اور بی ایل اے سمیت دیگر دہشت گردعناصرمتحرک ہیں۔فتنہ الخوارج، بھارت، افغانستان اور اسرائیل کا ایک ہی مشن ہے کہ بلوچستان اور خیبر پختونخوا کو کمزور اور پاکستان سے توڑنے کی کوشش کی جائے۔ بھارت اور اسرائیل کے ذریعے بی ایل اے، داعش اور ٹی ٹی پی (فتنہ الخوارج) کو فنڈنگ فراہم کرنا، جبکہ افواجِ پاکستان اور سکیورٹی فورسز کو ناکامی سے دوچار کرنا، دشمن عناصر کا اہم ایجنڈا ہے۔تاہم دشمن عناصر، بالخصوص بھارت اور اسرائیل، اپنی ناکامی، ذلت اور تباہی کے انتہائی قریب کھڑے ہیں۔ پاکستان کا مقابلہ بھارت اور اسرائیل جیسے دشمنوں سے کرنا مشکل ضرور ہے، مگر پاکستان اپنی افواج اور سکیورٹی فورسز کی بہادری اور قوم کے اتحاد کے ذریعے ہر سازش کا مقابلہ کرنے کی صلاحیت رکھتا ہے۔