عمرکوٹ رپورٹ ڈاکٹر ایم لال واگھانی بیورو چیف عمرکوٹ
اسسٹنٹ کمشنر سامارو سنجے کمار ترکئی سامارو پولیس کے ہمراہ شہر کے مین روڈ پر تجاوزات کے خلاف کارروائی کرتے ہوئے سڑک پر چپرے اور دیگر سامان رکھ کر راستہ بند کرنے والے دکانداروں پر جرمانے عائد کیے، جبکہ ایک دکان کو سیل کر دیا گیا۔
اسسٹنٹ کمشنر نے کارروائی کے دوران مین روڈ پر قائم تجاوزات کو ہٹانے کے احکامات بھی جاری کیے، تاکہ کانوڑ کے تہوار کے موقع پر شہریوں اور مسافروں کی آمدورفت میں رکاوٹ پیدا نہ ہو اور ٹریفک کی روانی برقرار رہے۔
دوسری جانب اسسٹنٹ کمشنر نے مارکیٹ کی مختلف دکانوں کا دورہ کرکے اشیائے ضروریہ کے مقررہ نرخوں کا جائزہ لیا اور ریٹ لسٹ، زائد المیعاد اور غیر معیاری اشیاء کی بھی چیکنگ کی۔
اس موقع پر اسسٹنٹ کمشنر کا کہنا تھا کہ شہریوں کو بہتر سہولیات کی فراہمی، ٹریفک کی روانی برقرار رکھنے اور مقررہ نرخوں پر اشیاء کی فروخت کو یقینی بنانے کے لیے کارروائیاں جاری رہیں گی۔