تاریخی معاہدہ مکہ کے تحت اسٹرٹیجک کمیٹی کا پہلا اجلاس، ترک وزیر دفاع یاشار گولر اور فیلڈ مارشل کی اہم ملاقات

    وزیرِ خارجہ خاقان فدان اور سعودی ہم منصب کے درمیان بھی مذاکرات، وزیر خارجہ اسحاق ڈار کی بھی سعودی ہم منصب سے ملاقات

    استنبول / انقرہ:ترکیہ، سعودی عرب اور پاکستان کے درمیان دفاعی اور اسٹریٹجک تعاون کے ایک نئے اور تاریخ ساز دور کا باضابطہ آغاز ہو گیا ہے۔ "مکہ جوائنٹ ڈیفنس ایگریمنٹ” کے تحت حاقان فیدان نے مزید کہا کہ نیٹو طرز کا یہ اتحاد اس اصول کے تحت قائم کیا گیا ہے کہ مخصوص شرائط پوری کرنے والے دیگر ممالک بھی اس میں شامل ہو سکتے ہیں۔سعودی پریس ایجنسی کے مطابق، سعودی وفد کی سربراہی سعودی وزیرِ دفاع شہزادہ خالد بن سلمان کر رہے ہیں، جبکہ سعودی وزیرِ خارجہ شہزادہ فیصل بن فرحان اور دیگر اعلیٰ حکام بھی وفد میں شامل ہیں۔


    اجلاس باقاعدہ شروع ہونے سے قبل دونوں جانب سے اعلیٰ سطحی رابطوں اور ملاقاتوں کا سلسلہ جاری رہا۔ ترک وزیرِ قومی دفاع یاشار گولر (Yaşar Güler) نے پاکستان کی مسلح افواج کے کمانڈر فیلڈ مارشل عاصم منیر سے خصوصی ملاقات کی، جس میں دوطرفہ عسکری تعلقات اور دفاعی امور پر تبادلہ خیال کیا گیا۔ اس کے علاوہ ترکیہ کے وزیرِ خارجہ خاقان فدان نے سعودی عرب کے وزیرِ خارجہ شہزادہ فیصل بن فرحان آل سعود سے ملاقات کی، جبکہ ترکیہ کے چیف آف جنرل اسٹاف جنرل سلچوک بائراکتاروغلو بھی اسٹریٹجک مذاکرات میں بھرپور انداز میں شریک ہوئے۔


    استنبول میں ہونے والے اس پہلے اجلاس کا محور تینوں ممالک کے درمیان دفاعی شراکت داری کو عملی جامہ پہنانا تھا۔ ترکیہ کے ذرائع ابلاغ اور سرکاری خبر رساں اداروں کے مطابق، اجلاس میں مشترکہ عسکری پیداوار اور جدید دفاعی سازوسامان اور ٹیکنالوجی کی مشترکہ تیاری کے لیے لائحہ عمل  پر تفصیلی گفتگو کی گئی اسی طرح تینوں ممالک کے درمیان فوجی مطابقت (Interoperability) تینوں ممالک کی مسلح افواج کے درمیان تربیتی اور آپریشنل ہم آہنگی کو فروغ  دینے پر بھی مذاکرات ہوئے اسی طرح  مکہ معاہدے کے تحت طے پانے والے دفاعی اصولوں کو عملی شکل دینے کے لئے بھی جامع مذاکرات ہوئے  جس کے تحت کسی ایک ملک پر ہونے والا حملہ تینوں ممالک پر حملہ تصور کیا جائے گا۔


    تجزیہ کاروں کا ماننا ہے کہ مشرق وسطیٰ اور جنوبی ایشیا کے اس نئے سہ فریقی دفاعی اتحاد سے نہ صرف خطے میں طاقت کا توازن قائم ہوگا بلکہ اندرونی اور بیرونی چیلنجز سے نمٹنے کے لیے تینوں برادر اسلامی ممالک ایک ناقابل تسخیر قوت کے طور پر ابھریں گے۔ اجلاس کے اختتام پر اہم دفاعی معاہدوں اور مشترکہ اقدامات کے اعلان کی توقع کی جا رہی ہے۔

    Related Posts