چکوال: ( جلیل نقوی سے )
ڈسٹرکٹ پولیس آفیسر چکوال کی خصوصی ہدایات پر ضلع بھر میں خطرناک کھیل ون ویلنگ کے خلاف بھرپور کریک ڈاؤن جاری ہے۔ کارروائی کے دوران 14 ون ویلرز کو گرفتار کرکے 14 موٹر سائیکلیں قبضے میں لے لی گئیں، جبکہ ملزمان کے خلاف قانونی کارروائی کرتے ہوئے مقدمات درج کر لیے گئے۔چکوال پولیس نے شہریوں بالخصوص والدین سے اپیل کی ہے کہ وہ اپنے بچوں کی سرگرمیوں پر کڑی نظر رکھیں اور انہیں ون ویلنگ جیسے خطرناک اور جان لیوا کھیل سے دور رکھیں۔ پولیس کا کہنا ہے کہ ون ویلنگ تفریح نہیں بلکہ قیمتی انسانی جانوں کے لیے سنگین خطرہ ہے۔ نوجوان اپنی اور دوسروں کی زندگیوں کو خطرے میں ڈالنے سے گریز کریں اور ذمہ دار شہری ہونے کا ثبوت دیں۔