میاں چنوں بینقاب نیوز رپورٹر عاصم کمال
میاں چنوں: تھانہ صدر میاں چنوں میں درج مقدمہ نمبر 843/26 مورخہ 13 اگست 2026 زیرِ دفعات 379/506 کے حوالے سے ایک اہم بیانِ حلفی سامنے آیا ہے، جس میں محمد شہباز ولد محمد ارشاد نے مقدمے اور مبینہ واقعہ سے متعلق اپنا مؤقف حلفاً قلمبند کرایا ہے۔بیانِ حلفی کے مطابق محمد شہباز، سکنہ چک نمبر 132/16 ایل میاں چنوں نے مؤقف اختیار کیا ہے کہ وہ مذکورہ مقدمے کے حوالے سے بعض واقعات کا چشم دید گواہ ہے۔ بیان میں کاشف بشیر اور ظفر اقبال سمیت دیگر افراد کا ذکر کرتے ہوئے واقعہ کی تفصیلات بیان کی گئی ہیں۔ حلف نامے میں محمد شہباز نے دعویٰ کیا ہے کہ سوشل میڈیا پر چودھری کاشف بشیر کی فیملی کے بارے میں مبینہ نازیبا الفاظ استعمال کئے جانے کے معاملے پر تنازع پیدا ہوا۔ بیان کے مطابق معاملہ آگے بڑھنے پر لڑائی ہوئی جس کا مقدمہ درج ہوا۔محمد شہباز نے حلفاً کہا کہ اس نے یہ بیان کسی دباؤ یا لالچ کے بغیر اپنی مرضی سے دیا ہے اور ضرورت پڑنے پر عدالت یا متعلقہ فورم پر اپنے بیان کی تصدیق کرے گا۔کچھ روز قبل سوشل میڈیا پر جھوٹی خبریں پھلائی گئی جبکہ حقیقت اس کے برعکس ہے۔ اس نے ایک معمولی جھگڑا کو ہائی پروفائل بنانے کے لئے اپنے ناک کی ہڈی خود تڑوا کر مخالف پارٹی پر مقدمات درج کرانے کی کوشش کی۔ ٹھوس شواہد کی بنا پر متعلقہ حکام کو آگاہ کیا گیا۔ سابقہ واقعات اور حالیہ وقوعہ پر اعلی افسران نے مکمل تحقیقات کرنے کے بعد ظفر اقبال نامی شخص کو جھوٹا ثابت کر کے مقدمہ درج کرنے کا حکم صادر فرمایا جس پر پولیس تھانہ صدر نے قانونی کارروائی عمل میں لائی ملزم کوگرفتارکرنے کے لئے ملزم کے گھر گئے جس وجہ سے ظفر اقبال نامی شخص سوشل میڈیا پر جھوٹاہونے کی وجہ سے نیا پروپیگنڈا بنا رہا ہے اورمظلوم بننے کی کوشش کررہاہے۔