لاہور(نعیم احمد سے)
پنجاب یونیورسٹی ٹائون تھری میں متاثرین کو دس سال بعد بھی پلاٹوں کی عدم فراہمی۔ ٹائون تھری متاثرین نے پلاٹوں کی فراہمی کے لئے وزیر اعلی پنجاب کو درخواست دے دی ۔وزیر اعلیٰ پنجاب مریم نواز ٹائون تھری میں ہونے والے 6 ارب کے فراڈ کا نوٹس لیں، ٹاون تھری پراجیکٹ 2016 میں شروع ہوا، صدر متاثرین ڈاکٹر خرم شہزادکے مطابق850 اساتذہ و ملازمین نے 2 ارب 60 کروڑ روپے جمع کرائے، مینجمنٹ کمیٹی کے با اثر اساتذہ نے دس سال بعد بھی سکیم کی منظوری نہیں لی، دس سال گزرنے کے باوجود زمین پر ترقیاتی کام شروع نہ ہو سکے، فیکٹ فائنڈنگ کمیٹی نے اربوں روپے کے گھپلوں کی نشاندہی کی ہے، مینجمنٹ کمیٹی کے سیکرٹری ڈاکٹر اظہر نعیم نے اربوں روپے کے پراجیکٹ کا ٹھیکہ سگے بھائی کی کمپنی کو دیا وزیر اعلیٰ پنجاب مریم نواز یونیورسٹی اساتذہ و ملازمین سے اربوں کے فراڈ کا نوٹس لے کارروائی کریں۔