خضدار: شور پرود کے پہاڑی سلسلے میں سیکیورٹی فورسز نے کامیاب انٹیلیجنس بیسڈ آپریشن کے ددوران شدید فائرنگ کے تبادلے کے نتیجے میں 10 دہشت گرد ہلاک جبکہ متعدد زخمی ہوگئے۔
خضدار، شور پرود کے پہاڑی سلسلے میں سکیورٹی فورسز کا خفیہ اطلاعات پرکامیاب آپریشن
آپریشن فتنہ الہندوستان کی موجودگی کی اطلاع پرکیا گیا
آپریشن کے دوران سکیورٹی فورسز کی دہشتگردوں کے مختلف ٹھکانوں کو گھیرے میں لے کر کارروائی
شدید فائرنگ کے تبادلے کے نتیجے میں 10 دہشتگرد ہلاک، متعدد… pic.twitter.com/hYGnNMRO1E— PTV News (@PTVNewsOfficial) August 15, 2026
خفیہ اطلاعات کی بنیاد پر خضدار کے علاقے شور پرود کے پہاڑی سلسلے میں فتنۃ الہندوستان کی موجودگی کے خلاف فورسز نے آپریشن کیا۔ آپریشن کے دوران سیکیورٹی فورسز نے دہشت گردوں کے مختلف ٹھکانوں کو گھیرے میں لے کر مؤثر کارروائی کی۔
سیکورٹی ذرائع کے مطابق دہشت گرد تین چھوٹی پارٹیوں کی صورت میں علاقے میں موجود تھے، جن کے ساتھ شدید فائرنگ کا تبادلہ ہوا۔ شدید فائرنگ کے تبادلے کے نتیجے میں 10 دہشت گرد ہلاک جبکہ متعدد زخمی ہوگئے۔
سیکورٹی ذرائع کاکہناہے کہ آپریشن کے بعد سیکیورٹی فورسز نے علاقے میں سرچ اینڈ کلیئرنس آپریشن مزید تیز کر دیا ہے ۔سیکورٹی فورسز نے فرار ہونے والے دہشت گردوں کی تلاش بھی شروع کردی۔
سیکیورٹی فورسز نے دہشت گردی کے مکمل خاتمے تک کارروائیاں جاری رکھنے کے عزم کا اظہار کیا ہے۔ آخری دہشت گرد کے خاتمے تک تعاقب جاری رہے گا، جبکہ دہشت گرد عناصر کو ان کے منطقی انجام تک پہنچانے کے لیے تمام ضروری اقدامات کیے جائیں گے۔
کامیاب آپریشن پر وزیراعظم کا خراج تحسین
وزیراعظم محمد شہباز شریف نے شور پرود کے پہاڑی سلسلے میں کامیاب آپریشن پر سیکیورٹی فورسز کو خراج تحسین پیش کیاہے ۔
اپنے ایک بیان میں وزیراعظم نے کہا کہ سیکیورٹی فورسز نے 10 دہشتگردوں کو کامیاب آپریشن میں ہلاک کیا،انسانیت کے دشمن دہشتگردوں کے خلاف کامیاب آپریشن ہماری سیکیورٹی فورسز کی مہارت کا مظہر ہیں۔
محمد شہبازشریف نے کہاکہ پوری قوم دہشتگردی کے خلاف جنگ میں سیکیورٹی فورسز کے ساتھ ہے،ملک سے دہشتگردی کے مکمل خاتمے کے لیے پر عزم ہیں۔