کوٹ ادو: شیخو شوگر مل سنانواں کے قریب باراتیوں سے بھرے دو لوڈر رکشہ مظفرگڑھ کینال میں جا گرے، حادثے میں بچوں خواتین سمیت 15 افراد جاں بحق ہوگئے
ریسکیو ٹیموں کی جانب سے نہر میں رات گئے تک سرچ اور ریکوری آپریشن جاری ہے المناک حادثے نے شادی کی خوشیوں کو ماتم میں بدل دیا۔
ڈوبنے والوں بچوں کی ماؤں کے نہر کنارے بین نے ہر حساس شہری کو رلا دیا
ڈپٹی کمشنر کوٹ ادو بلال سلیم نے ریسکیو ٹیموں کی جانب سے کینال میں ڈوبنے والے افراد کی تلاش کے لیے جاری سرچ اینڈ ریسکیو آپریشن کا معائنہ کیا اور امدادی کارروائیوں کی پیش رفت کے بارے میں بریفنگ لی
جبکہ واقعہ کی اطلاع ملتے ہی ڈی پی او کوٹ ادو بھی فوری طورپر موقع پر پہنچ گئے اور متعلقہ تھانے کی نفری سمیت دیگر اہلکاروں کو طلب کرلیا گیا جنہوں نے امدادی کارروائیوں میں حصہ لیا