ملتان (ملک جابر عباس سے)
لودھراں: تھانہ گیلے وال کی حدود کے نواحی علاقے اُکاں والا میں نوجوان کو مبینہ طور پر زہر دے کر قتل کیے جانے کا افسوسناک واقعہ سامنے آیا ہے۔تفصیلات کے مطابق اُکاں والا کے رہائشی محمد ناصر کے بیٹے توقیر ناصر کو مبینہ طور پر زہر دے دیا گیا، جس کے باعث وہ جاں بحق ہوگیا۔ مقتول کے والد محمد ناصر نے پولیس کو دی گئی درخواست میں مؤقف اختیار کیا ہے کہ ان کا بیٹا بھینسوں کے بھانے میں ملازمت کرتا تھا اور دن رات وہیں رہتا تھا۔محمد ناصر نے الزام عائد کیا کہ باہمی مشاورت سے ان کے بیٹے کو زہر دے کر قتل کیا گیا ہے۔ ان کا کہنا ہے کہ واقعے کے باوجود ابھی تک ان کے بیٹے کے مبینہ قاتل گرفتار نہیں کیے گئے۔مقتول کے والد نے حکومت اور متعلقہ پولیس حکام سے اپیل کی ہے کہ واقعے کا فوری نوٹس لے کر شفاف تحقیقات کی جائیں اور ان کے بیٹے کے قتل میں ملوث ملزمان کو قانون کے مطابق کیفرِ کردار تک پہنچایا جائے۔
پولیس کی جانب سے واقعے کی تحقیقات جاری ہیں جبکہ اصل حقائق تحقیقات مکمل ہونے کے بعد سامنے آئیں گے۔