سیالکوٹ۔سلیم احمد اعوان شیخو
ڈپٹی کمشنر سیالکوٹ اویس مشتاق اور ڈسٹرکٹ پولیس آفیسر کیپٹن (ر) دوست محمد کی زیر صدارت حضرت امام حسین کے چہلم کے سلسلہ میں ضلعی امن کمیٹی کا اجلاس ڈی سی آفس کے کانفرنس روم میں منعقد ہوا۔ اجلاس میں ایڈیشنل ڈپٹی کمشنر جنرل نعیم بشیر، اسسٹنٹ کمشنر رانا صفدر شبیر، کوآرڈینیٹر ضلعی امن کمیٹی حافظ اصغر علی چیمہ، سید نجم الحسن گیلانی، ظفر عباس، حافظ نیاز احمد الازہری، مولانا ایوب ثاقب خان، حافظ غلام محی الدین، حافظ اقبال گھمن، ملک ذاکر حسین اعوان ایڈووکیٹ سمیت ضلعی امن کمیٹی کے اراکین اور متعلقہ محکموں کے افیسران نے شرکت کی۔
اجلاس میں چہلم کے جلوسوں اور مجالس کے لئے سیکیورٹی، ٹریفک مینجمنٹ، صفائی، اسٹریٹ لائٹس، سیوریج، پینے کے صاف پانی، ریسکو، طبی سہولیات اور دیگر انتظامات کا تفصیلی جائزہ لیا گیا۔ اس موقع پر تمام متعلقہ اداروں کو ہدایت کی گئی کہ وہ باہمی رابطے اور مؤثر ہم آہنگی کے ساتھ اپنی ذمہ داریاں انجام دیں تاکہ عزاداران کو ہر ممکن سہولت فراہم کی جا سکے۔ڈپٹی کمشنر اویس مشتاق نے کہا کہ چہلم کے موقع پر تمام انتظامات بروقت مکمل کئے جائیں گے اور جلوسوں و مجالس کے شرکاء کو بہترین سہولیات فراہم کی جائیں گی۔ انہوں نے متعلقہ افیسران کو ہدایت کی کہ جلوسوں کے روٹس پر صفائی، اسٹریٹ لائٹس، سیوریج کی بہتری، پینے کے صاف پانی کی فراہمی اور دیگر انتظامات کو ہر صورت یقینی بنایا جائے۔ انہوں نے کہا کہ ضلعی انتظامیہ، پولیس اور تمام متعلقہ محکمے مکمل ہم آہنگی کے ساتھ فرائض سرانجام دیں گے تاکہ مذہبی عقیدت و احترام اور پرامن ماحول میں منعقد ہوڈپٹی کمشنر نے محرم الحرام کے پرامن انعقاد اور بہترین انتظامات میں ضلعی امن کمیٹی، علماء کرام، مشائخ، انتظامیہ، پولیس اور تمام متعلقہ اداروں کے مؤثر تعاون کو سراہتے ہوئے ان کا شکریہ ادا کیا۔ انہوں نے علماء کرام سے اپیل کی کہ وہ اپنے جمعہ کے خطبات میں امن، رواداری، بین المسالک ہم آہنگی، اتحاد، بھائی چارے اور قانون کی پاسداری کے پیغام کو خصوصی طور پر اجاگر کریں تاکہ معاشرے میں اتفاق و یگانگت کو مزید فروغ مل سکے۔
ڈسٹرکٹ پولیس آفیسر کیپٹن (ر) دوست محمد نے کہا کہ چہلم کے موقع پر فول پروف سیکیورٹی انتظامات کئے جائیں گے۔