شٹٹگارٹ/بین الاقوامی ڈیسک: عالمی شہرت یافتہ امریکی پاپ اسٹار کیٹی پیری اور کینیڈا کے سابق وزیراعظم جسٹن ٹروڈو نے ایک بار پھر اپنے مداحوں کو حیرت زدہ کر دیا ہے۔ سیاسی اور شوبز حلقوں میں معروف اس جوڑے کی ایک نئی اور دلچسپ ویڈیو سوشل میڈیا پر تیزی سے وائرل ہو رہی ہے، جس میں سابق کینیڈین وزیراعظم کو اپنی محبوبہ کے گانے پر رقص کرتے ہوئے دیکھا جا سکتا ہے۔
🇨🇦 Fmr. Canadian PM Justin Trudeau is now bouncing around in the background of girlfriend Katy Perry's new music video like an 18-year-old backup dancer.
From running a G7 country to B-roll.
Writer: Juliepic.twitter.com/ZAnvHgYIyQ
— Mario Nawfal (@MarioNawfal) July 10, 2026
یورپی دورے پر موجود کیٹی پیری نے جرمنی کے شہر شٹٹگارٹ سے اپنے ٹک ٹاک اکاؤنٹ پر ایک پرلطف ویڈیو شیئر کی۔ ویڈیو میں پاپ اسٹار اور ان کے بینڈ کے ارکان ان کے نئے گانے ‘واچ اٹ برن’ (Watch It Burn) کی دھن پر رقص کر رہے ہوتے ہیں کہ اچانک پس منظر سے کینیڈا کے تجربہ کار سیاستدان جسٹن ٹروڈو کی غیر متوقع انٹری ہوتی ہے۔
ویڈیو کلپ میں جسٹن ٹروڈو کی آمد اگرچہ چند سیکنڈز کے لیے ہی تھی، لیکن ان کے منفرد انداز نے دیکھنے والوں کو حیران کر دیا۔ آرام دہ لباس میں ملبوس سابق وزیراعظم نے پورے جوش و خروش کے ساتھ بینڈ کے ارکان کا ساتھ دیا اور کچھ مزاحیہ رقص کے اسٹیپس بھی کیے۔ پاپ اسٹار نے ویڈیو کے ساتھ ایک دلچسپ کیپشن بھی لکھا کہ "قدیم تحریروں کے مطابق اس گانے کی دھن پر رقص کرنا ایک ہزار سال کی خوش قسمتی لاتا ہے۔”
ذرائع کے مطابق جسٹن ٹروڈو ان دنوں کیٹی پیری کے یورپی کنسرٹ ٹور کے دوران ان کے ساتھ مختلف مقامات پر موجود ہیں اور شٹوٹگارٹ میں بنائی گئی یہ ویڈیو اسی سفر کا حصہ ہے۔
سوشل میڈیا پر اس ویڈیو کے سامنے آتے ہی مداحوں کی جانب سے ملا جلا ردعمل دیکھنے میں آ رہا ہے۔ جہاں بہت سے لوگ جسٹن ٹروڈو کے اس بے تکلف اور مزاحیہ انداز کو پسند کر رہے ہیں، وہاں سیاست اور موسیقی کی دنیا کے اس امتزاج پر تبصروں کا ایک نیا سلسلہ شروع ہو گیا ہے۔