ہالی وڈ فلم "دھمال 4” کی دھوم! پہلے دن 12 سے 15 کروڑ کی کمائی کرلی

ممبئی: بالی ووڈ سپر اسٹار اجے دیوگن کی مزاحیہ فلم "دھمال 4” ریلیز ۔پہلے ہی دن 12 سے 15 کروڑ کمائی کرلی۔
سوشل میڈیا پر ابتدائی جائزوں کے مطابق فلم نے "دھمال” سیریز کی روایتی مزاح، ہنگامہ آرائی اور خاندانی تفریح کو برقرار رکھا ہے۔ اگرچہ بعض ناظرین نے کہانی میں چند کمزوریوں کی نشاندہی کی، تاہم مجموعی طور پر فلم کو ہلکی پھلکی، دلچسپ اور پورے خاندان کے ساتھ دیکھنے کے لیے بہترین قرار دیا جا رہا ہے۔ ابتدائی ردعمل میں سب سے زیادہ تعریف جاوید جعفری اور ارشد وارثی کی اداکاری کو مل رہی ہے۔
مداحوں کا کہنا ہے کہ دونوں اداکار اپنی شاندار مزاحیہ ٹائمنگ اور کیمسٹری کے باعث فلم کی اصل جان ہیں۔ اس کے علاوہ اجے دیوگن، رتیش دیشمکھ، سنجے مشرا، انجلی آنند، ایشا گپتا، سنجیدہ شیخ اور روی کشن کی اداکاری کو بھی خوب سراہا جا رہا ہے۔ فلم نے عام ایڈوانس بکنگ سے تقریباً 1.12 کروڑ روپے جبکہ بلاک بکنگ سمیت 3.30 کروڑ روپے کی مجموعی آمدنی حاصل کر لی ہے۔ ایڈوانس بکنگ میں مہاراشٹر سب سے آگے ہے، جبکہ دہلی، ممبئی اور این سی آر بھی مضبوط مارکیٹ کے طور پر سامنے آئے ہیں۔ فلمی تجزیہ کاروں کا اندازہ ہے کہ ریلیز سے قبل ایڈوانس بکنگ 4 سے 5 کروڑ روپے تک پہنچ سکتی ہے اور شوز کی تعداد بڑھ کر 9 سے 10 ہزار تک جا سکتی ہے۔
ہدایت کار اندرا کمار کی یہ فلم U/A 13+ سرٹیفکیٹ کے ساتھ ریلیز ہو رہی ہے، جس کا دورانیہ 2 گھنٹے 23 منٹ ہے۔