ممبئی: بالی ووڈ کے سپر اسٹار عامر خان، جنہیں ان کی بہترین اداکاری کی وجہ سے ‘مسٹر پرفیکشنسٹ’ کہا جاتا ہے، ایک بار پھر خبروں کی زینت بن گئے ہیں۔ عامر خان نے اپنی دیرینہ ساتھی گوری اسپریٹ کے ساتھ ایک نجی اور سادہ تقریب میں شادی کر لی ہے۔
ممبئی میں جاری شدید بارشوں کے باوجود، عامر خان کی رہائش گاہ پر شادی کی تقریبات انتہائی پروقار انداز میں منعقد ہوئیں۔ یہ ایک نجی تقریب تھی جس میں خاندان کے قریبی افراد کے علاوہ فلمی صنعت، سیاست اور کھیل کی دنیا کی اہم شخصیات نے شرکت کی۔ مہمانوں میں فلم ساز اشوتوش گواریکر، اداکار ویر داس، سابق کرکٹر عرفان پٹھان، معروف صنعت کار مکیش امبانی، سیاست دان راج ٹھاکرے اور نغمہ نگار پرسون جوشی شامل تھے۔
عامر خان کی
ٹیم کی جانب سے جاری کردہ ایک تصویر نے سوشل میڈیا پر تہلکہ مچا دیا ہے، جس میں عامر خان اور گوری اسپریٹ کو شادی کے قانونی دستاویزات پر دستخط کرتے دیکھا جا سکتا ہے۔ اس جذباتی لمحے میں گوری اسپریٹ کا بیٹا اور عامر خان کا بیٹا ‘آزاد’ بھی ان کے ساتھ موجود تھے، جو ایک خوشگوار خاندانی اتحاد کی عکاسی کر رہے ہیں۔ جبکہ ان کی پہلی اور دوسری بیوی نے بھی بھرپور طریقے سے شادی میں شرکت کی،
Amir Khan's first and second wife attending his third marriage.pic.twitter.com/cLztZQGBXK
— Geopolitik (@geopolitiik) July 5, 2026
یہ عامر خان کی زندگی کی تیسری شادی ہے۔ اس سے قبل انہوں نے 1986 میں رینا دتہ سے شادی کی تھی، جن سے ان کے دو بچے جنید خان اور ایرا خان ہیں۔ رینا سے علیحدگی کے بعد، عامر خان نے 2005 میں فلم ساز کرن راؤ سے دوسری شادی کی، تاہم 2021 میں دونوں نے باہمی رضامندی سے راہیں جدا کر لی تھیں۔ عامر اور کرن اب بھی اپنے بیٹے آزاد کی مشترکہ پرورش کر رہے ہیں۔
گوری اسپریٹ کا تعلق بنگلور سے ہے اور وہ بیوٹی اینڈ ویلنس (Beauty & Wellness) کے شعبے سے وابستہ ہیں۔ عامر خان نے 2025 میں اپنی 60 ویں سالگرہ سے قبل پہلی بار گوری کو میڈیا کے سامنے لایا تھا، جس کے بعد سے ہی ان کے تعلقات کے چرچے تھے۔ گوری بھی اس سے قبل ایک شادی کر چکی ہیں اور ان کا بھی ایک بیٹا ہے۔
شادی کے اس نئے بندھن نے عامر خان کے مداحوں میں خوشی کی لہر دوڑا دی ہے، جو اب ان کی نئی ازدواجی زندگی کے لیے نیک خواہشات کا اظہار کر رہے ہیں