ملتان (ڈویژن بیورو چیف ملک جابر عباس سے)
حکومت کی جانب سے ایل پی جی کی سرکاری قیمت مقرر کیے جانے کے باوجود لیہ، ملتان، لاہور سمیت پنجاب کے مختلف شہروں میں ایل پی جی مہنگے داموں فروخت کیے جانے کا سلسلہ جاری ہے، جس کے باعث شہریوں کو شدید مالی مشکلات کا سامنا ہے۔مارکیٹ ذرائع کے مطابق حکومت نے ایل پی جی کی سرکاری قیمت 308 روپے فی کلو مقرر کر رکھی ہے، تاہم مختلف علاقوں میں دکاندار اپنی مرضی کے نرخ وصول کرتے ہوئے ایل پی جی 550 سے 600 روپے فی کلو تک فروخت کر رہے ہیں۔ذرائع کا کہنا ہے کہ بعض مقامات پر روزانہ 10 سے 20 روپے فی کلو تک اضافہ کر دیا جاتا ہے، جبکہ قیمتوں پر مؤثر نگرانی نہ ہونے کے باعث صارفین بے بس دکھائی دیتے ہیں۔
شہریوں نے متعلقہ حکام سے مطالبہ کیا ہے کہ سرکاری نرخوں پر عمل درآمد یقینی بنایا جائے، منافع خور عناصر کے خلاف سخت کارروائی کی جائے اور عوام کو مہنگی ایل پی جی کی فروخت سے فوری ریلیف فراہم کیا جائے۔