دوحہ:قطر کا اہم قدرتی گیس برآمدی ٹرمینل دھماکے سے پھٹ گیا۔ یہ دھماکہ اس وقت ہوا جب مزدوروں نے ایران-امریکا جنگ کے دوران تہران کی طرف سے بمباری کے بعد وہاں کام دوبارہ شروع کرنے کی کوشش کی۔ دھماکے سے آگ لگ گئی جس سے کم از کم 54 افراد زخمی ہو گئے اور 18 افراد کئی گھنٹے گزر جانے کے بعد بھی لاپتہ ہیں۔
راس لفان صنعتی علاقے میں ہونے والے دھماکے سے توانائی کی عالمی منڈیوں میں مزید افراتفری پھیل سکتی ہے، کیونکہ قطر زیادہ قدرتی گیس پیدا کرنے والے ممالک میں سے ایک ہے۔ قطر نے آبنائے ہرمز پر ایران کی ناکہ بندی کے بعد اپنی پیداوار بند کر دی تھی جس کا مطلب یہ تھا کہ وہ اپنے گاہکوں کو کھیپ نہیں پہنچا سکتا تھا۔
یہ بھی پڑھیں:
راس لفان بحران:”جنگ ختم ہو بھی گئی تو گیس نہیں ملے گی”: توانائی کے ماہرین کے ہوش رُبا انکشافات
جنگ کے مستقل خاتمے کے لیے مذاکرات جاری رہنے کے ساتھ ہی ایران نے آبنائے ہرمز پر اپنی گرفت ڈھیلی کردی ہے، اسی کے چلتے قطر نے اپنا ایکسپورٹ ٹرمینل دوبارہ شروع کرنے کی کوشش کی۔ سرکاری ادارے قطر انرجی نے کہا کہ اتوار کی رات، اس کام کے آغاز کے ساتھ ہی بارزان گیس سپلائی کی سہولت میں ایک دھماکہ ہوا اور آگ لگ گئی۔
دھماکے کے بعد نقصان کا پیمانہ معلوم نہیں ہوسکا ہے، حکام نے ابتدائی طور پر کہا تھا کہ صرف چند افراد زخمی ہوئے ہیں۔ لیکن چند گھنٹوں بعد، قطر کی وزارت داخلہ نے ہلاکتوں کے بہت زیادہ اعداد و شمار پیش کیے۔
برزان پلانٹ میں روزانہ تقریباً 1.4 بلین معیاری کیوبک فٹ سیلز گیس کی گنجائش تھی، جسے قطر بنیادی طور پر مقامی بجلی کی پیداوار اور جزیرہ نما عرب کے صحرائی علاقوں میں اپنے اہم پانی کو صاف کرنے والے پلانٹس کو بجلی فراہم کرنے کے لیے استعمال کرتا
قطر میں راس لفان گیس ایکسپورٹ ٹرمینل دوبارہ شروع ہوتے ہی دھماکہ، 54 افراد زخمی، 18 لاپتہ
