واب شاہ (رپورٹ: نفیس آرائیں)
ڈپٹی کمشنر شہید بینظیرآباد عبدالصمد نظامانی اور ناری ڈیولپمنٹ آرگنائزیشن کی صدر عذرا میمن نے مسلم ہینڈز اور اسٹارز نیٹورک کے تعاون سے سندھ انٹیگریٹڈ ایمرجنسی ہیلتھ سروسز کے عملے میں حفاظتی سامان کے 50 پیکٹس تقسیم کیے۔ڈی سی آفس کے دربار ہال میں منعقدہ تقریب سے خطاب کرتے ہوئے ڈپٹی کمشنر عبدالصمد نظامانی نے کہا کہ ہنگامی حالات میں عوام کو بروقت طبی امداد کی فراہمی نہایت اہم ہے، جبکہ ریسکیو اور ایمرجنسی سروسز کے اہلکاروں کو ضروری حفاظتی سامان کی فراہمی وقت کی اہم ضرورت ہے۔ انہوں نے سماجی تنظیموں کے تعاون کو سراہتے ہوئے کہا کہ سرکاری اداروں اور فلاحی تنظیموں کے اشتراک سے عوامی خدمات کے معیار کو مزید بہتر بنایا جا سکتا ہے۔اس موقع پر ڈسٹرکٹ مینیجر سندھ انٹیگریٹڈ ایمرجنسی ہیلتھ سروسز اقصیٰ جمالی نے تعاون پر شکریہ ادا کیا، جبکہ ناری ڈیولپمنٹ آرگنائزیشن کی صدر عذرا میمن نے بتایا کہ فراہم کردہ 50 پیکٹس میں چھتریاں، کولنگ پیڈز، واٹر کولرز، ہاٹ اینڈ کولڈ واٹر بوتلیں، کولنگ ٹاولز، نیک کورز، او آر ایس پیکٹس، ہینڈ ہیلڈ فین، کاٹن پرنے اور زپ بیگز شامل ہیں۔ تقریب میں متعلقہ محکموں کے افسران اور سماجی تنظیموں کے نمائندگان نے بھی شرکت کی۔