سیالکوٹ (سلیم احمد اعوان شیخو)
ڈسٹرکٹ پولیس آفیسر (ڈی پی او) سیالکوٹ نے امام بارگاہوں کا دورہ کیا اور سیکورٹی انتظامات کا تفصیلی جائزہ لیا۔بتایا گیا ہے کہ ڈسٹرکٹ پولیس آفیسر (ڈی پی او) سیالکوٹ کیپٹن (ر) دوست محمد نے محرم الحرام کے سلسلہ میں امام بارگاہوں کا دورہ کرکے سیکیورٹی انتظامات کا تفصیلی جائزہ لیا۔ اس موقع پر سی سی ٹی وی کیمروں، سیکیورٹی گارڈز، داخلی و خارجی راستوں، واک تھرو گیٹس اور دیگر حفاظتی اقدامات کو چیک کیا گیا۔ڈی پی او نے ایس ڈی پی او ز سٹی و صدر سرکل و انچارج سیکیورٹی برانچ کے ہمراہ امام بارگاہوں کے منتظمین سے ملاقات کی۔ ڈی پی او نے ہدایت کی کہ عزاداران کی جان و مال کے تحفظ کے لیے تمام سیکورٹی انتظامات کو مزید مؤثر بنایا جائے۔